الشبكة العامة لقبائل الحويطات - المنبر الاعلامي و المرجع الرسمي المعتمد

شوفي الطفل قبل الملامح تدينه
إيه احكمي قبل النظر يجرح العين

الروح شعلة شوق والحال طينه
تكفين ردي وهج الايام تكفين

قلبي سؤاله جرح طرّز سنينه
ياعاقله ! طال انتظار المجانين

قولي متى من نظرتك ترحمينه
يفهم رحيله في سما عشقتك وين؟

عصفور حب ومنيته تفهمينه
مرفوض من كل الشجر بـ البساتين

أدري ملاك الحب داسوا جبينه
في عالمك كل الفرح للشياطين

لكن رجاك القلب لاتجرحينه
يااعز وأخر مابقى بـ اختيارين

جاك بدويٍ ماتبيه المدينه
يستحلف عيونك تبوق القوانين

عواطفه نهرٍ بـ ايدينك رهينه
ومهما شربتي عذب الأشواق تضمين

قلبه سفر مل الدروب الحزينه
وحكايته تدمي قلوب المحبين

وعذره قديم وحاولي تذكرينه
وعيونك الحلوين ! عيونك براكين