الشبكة العامة لقبائل الحويطات - المنبر الاعلامي و المرجع الرسمي المعتمد

أصدر الشاعر فهد المساعد حديثاً ديوانه الورقي الأول بعنوان (سالفة عشاق) وهو من القطع المتوسط وجاء بطباعة أنيقة وبلغ عدد صفحاته (90) صفحة وذكر المؤلف ان عنوان الديوان لم يكن فقط تيمناً بقصيدة (سالفة عشاق) بل لأن الديوان بأكمله حاله يمكن ان يطلق عليها سالفة عشاق بما فيه من قصائد متعددة الأغراض، واستهل الديوان بقصائد وطنية .

(( ســــالفــة عـــشاق ))

من بغى الفرقا لقـى لـه عـذر واسبـاب ودليـل .....خل عنـك العـذر والاسبـاب دام الحـب ضـاع

كان ودك بالفراق .. ابشر عسـى عمـرك طويـل.....لاتـردد وانـت لـك كلمـه ولـك امـر ٍ مطـاع

لـي عليـك انّـك تبّـت بكلمـة ٍ تشفـي الغليـل......ولك عليّ انـي لأوّقـف وقفـة الرجـل الشجـاع

لاتجاملني مخافة ( قال ) مـدري خـوف ( قيـل ).....عمر ( هرج النـاس ) مايسمـن ولايغنـي جيـاع

كان قصدك ( سر حبك ) .. اوعدك لأصبح بخيـل......واحمل اسرارك معي للمـوووت قـدر المستطـاع

بس قلها ... قل ما احبك ... وابشر بصبر ٍ جميـل......لاتحسب أني مثـل مـن طبعهـم لـوي الـذراع !

صاحبـك ماهـو كـذا ياصاحـب القـد النحـيـل.....صاحبك طبعـه غريـب وغربتـه غربـه طبـاع

فـي الهـوى مايقبـل الحـل الوسـط ولا القليـل.....مثل ماهو لاشـرى يشـري .. ليامـن بـاع بـاع

ثابت ٍ لو هـي تميـل الارض حـدره ... مايميـل......يـدري ان الفقـر ماهـو عيـب والدنيـا مـتـاع

ماعشـق لـذّة حياتـه كثـر عشـق المستحـيـل.....ولا كـره حتـى مماتـه كثـر كـره الأنصـيـاع

كم تعلّم مـن شديـد البـدو وش معنـى الرحيـل.....وكم تعلّم من غروب الشمـس وش معنـى الـوداع

وكم تعلّم من سحاب الصيف وش معنـى الحصيـل....وكم تعلّم مـن ليـال البـرد وش معنـى الضيـاع

ايه انا هذا طريقي ( موحش .. وصعب .. وطويل ).....وانت لامنـك تعبـت .. العالـم فجوجـه وسـاع

اعتبرنـي فـي بدايـة سكّتـك عـابـر سبـيـل......و رح وانا قلبي معك من ويـن وجّهـت الشـراع

يكفي اني لاانذكرت فـي سالفـة عشّـاق .. قيـل:.......عاشر احبابه شجاع .. وفـارق احبابـه شجـاع

للشاعر : فهد المساعد

.
.
.
.
.
.

[glow1=0000FF]،؛، وعــلى دروب الخــير نــلتقي أحــبه ،؛،[/glow1]