الشبكة العامة لقبائل الحويطات - المنبر الاعلامي و المرجع الرسمي المعتمد

(برد الصدود)
باحت لي عيونك بمــوت الحب ولسانــك نفى

والمشكله قلبي تعـــوّد ان عينــــك تـرشــــده

اتصفح النظره ولا الـــقى لي بها ومضـــة وفــا

وارجـــع بشوقي يــم قلبــــك والتغلي يــلهده

وقف حبيبي لعن ابـو عودك تـــهاونت الجفــــا

وش غيرك وانت العزيــز اللي بــــقلبي مقعده

يا زين طوّع لي فوادك ليــــه تحرمنــــي الصفا

جمر التغلي ليه دايم في خفوقي تـــــركــــده

لا تشمر ذراع الصدود وليـــن لن صبــــري حفا

لاتزيد من بلوى المحب ان كنــت عاجز تسعده

يا ما طيوفك داعبت ليـــــلي ورمشن ما غفى

وياما سوليفك سرت في جفــــــن زاول مرقده

من يوع عزّبت بخفوقي كل من فيـــه اخــتفى

لا والله احساس الهوى في طلّتك جـــــا مولده

ما فيه نبضن بـالـــحشا الا على دربـــــك هفى

حتى الشعر بـــــاسمك تميّـــــز لو بغيت اقلّده

يازين من حبك شعل جمره بقلــــــبي مانطفى

الا ترى برد الصدود ان زاد منــــــك ايــــــبــــرّده

ارجاك داوي نار موجع من فراقــــك مــــا شفى

وحبل الوصال اللي قطعته امس ليــتك تـــعقده

انكان قصدك تحرق أيـــامي على بــابــــك؟ افا

هاذي بعيــــده عن عيـــــونك لا وربٍ اعبـــــده

مارضى اكون بهامش احساسك كما وهمن نفى

احلام تاهت بيــــن ونـــّاتك ومــــوّال انشـــــده

اما تجيني الحين تايب اوتـرى حسبي وكــــفى

باعلن انا موت الهوى والشــــرط انــــك تشهده

واياك كالـــــعاده تقيــــّدني بـــــدمعك والدفــــا

وللا تصحـــّي ماضيــــــن ولّى بهجرك موعـــده