قالو تعلمت قلت عناد وفراسه
 

قالـوا تعلمـت قلـت عنادوفراسـه
أعانـد النفـس والدنياواصارعـهـا
ودرست في مدرسـة شيبـت راسـه
دنيا العنا اللـي قصيفـات مطامعهـا
تلميذهـا دايـم تكتـب بقرطـاسـه
وتعطيـه يمنـة دروس مايضيعـهـا
والله عطانا نظـر وشعـور حساسـه
ناخذ علوم المعرفه مـن مراجعهـا.
ونساير الوقـت ونقيسـه بمقياسـه
ونواجه النفـس بالواقـع ونقنعهـا.
وترى حياة الفتي مهما قـوى باسـه
محفوفة بالخطـر والمـوت تابعهـا.
من مبتدأ العمر حتى يلفـظ انفاسـه
يمر فـي مرحلـة تكثـر زوابعهـا.
أول حياة الفتـى مشـوار وعساسـه
مسافة في عجـاج العمـر يقطعهـا.
وثاني حياة الفتـى تدريـب ودراسـه
تصعب ظروف الحياة وينشغل معهـا.
وثالث حياة الفتى يرجع على ساسـه
النقطـه اللـي بـدأ منهـا يراجعهـا
يرجع لسن الهرم ويضيـع الطاسـه
ويزحف مع الأرض ويخطط شوارعها.
واليا تلاقت متونـه وارتخـى راسـه
ضاعت جميع العلوم اللـي جمعهـا
أبو نوآآآفــــــ الروضاني

رد: قالو تعلمت قلت عناد وفراسه
 

رد: قالو تعلمت قلت عناد وفراسه
 

دمت بود
تقبل مروري
الــــروووضاني