|
هذي الشهادة يا وطن .. وين الوظيفة يا وطن ؟
. . هذي الشهادة يا وطن .. وين الوظيفة يا وطن ؟ ياموطني !! أنا هنا .. أنا !! هنا .. أنا هنا !!! . . الهمّ .. ضيّق خاطري .. ولا جداي إلاّ الغـِـنا ** حتى الغـِـنا .. لك الله إنـّـه .. يزيد ضيقي والحزن !! واللّي تعنـّـا وإجتهد .. يبغى الجنـَـى !! وين الجنـّـى ؟ ** خمسة غروس أسقيتها بيدي .. ولكن .. ما أثمرَن !! ماغير أناظرها عسى .. تثمر وتجلب لي الهنا ** تعبـَـت عيوني .. وأبطت غروسي .. وأنا بأشكي لمن ؟! يا موطني .. يالموطن اللّي ماعرف مجدك فنا ** خيرك وصل .. أقصى البلاد العالمية والمدن !! ياموطني .. أنا .. هنا .. أنا هنا .. أنا هنا !! ** "شبحـِـك" لما بعد الحضـَـن .. ينسـِـيك من وسط الحضن ؟!! يا موطني .. ظلـّـم علي الوقت .. وأتحرّا السنا ** ويروح من عمري زمن.. ويزيد في عمري زمن !! أبغى أرضي الشيبان .. وأرضي خاطري بشوف الظنا ** لكنّ ما باليد حيلة .. آه ياشـِـين الغبن !! طقـّـيت باب الرزق .. لكن مافتح .. والله لنا ** كنـّـه يقول : السير يافهمان .. لازم يـِـندهـِـن !! طقـّـيت باب الرزق .. لكن مافتح والله لنا ** كنـّـه يقول : إفلـِـح وجب لك واسطة .. ولاّ إستكـِـنّ !! قلت أشهد إن لي واسطة .. والواسطة يا بوجنا ** حبّ الوطن .. والروح .. في حبّ الوطن تدفع ثمن !!! أفديه وآقف درع .. قدّام الهنادي والقـَـنـَـا ** ولو ترَكني في المـِـحن .. فلا تركته في المـِـحن !! فقير .. ماشفت الغـِـنى .. ما نـِـي من عيال الغنى ** لكن إذا نادى الوطن .. أتسلـّـف ريال الكفـَـن !! أثـُـور من دونه .. وأنا سعودي .. وأنا طيـِّـب جنا ** من هو يشكـَّـك في ولائي .. فالسريرة والعلـَـن ؟!! ياموطني .. هذا عتاب أحباب .. جعل اللّي شنا ** يلقى البليـّـة .. والمصيبة .. والمهونة .. والوهـَـن ! خمس إسنواتٍ .. عـِـشتها عاطل .. ولا هو بسّ أنا ** كم فيه من عاطل بوسط الوقت هـُـمـِّـش .. وإندفـَـن ؟!! نلت الشهادة .. والفرح برقـَـه سبق .. رعد العنا ** هذي الشهادة ياوطن .. وين الوظيفة يا وطن ؟!! http://www.youtube.com/watch?v=vNF_hVAZfu4 |
رد: هذي الشهادة يا وطن .. وين الوظيفة يا وطن ؟
ياويل حاااااالي
ممكن جي يوم وأردد هذي الابيات تهي تهي الدحمي ... كل سنة وأنت طيب |
رد: هذي الشهادة يا وطن .. وين الوظيفة يا وطن ؟
[align=right]
عزوف الشمال ... شكراً بحجم السماء لحضورك ...:rose: [/align] |
رد: هذي الشهادة يا وطن .. وين الوظيفة يا وطن ؟
الله الله يادحمي
قلت أشهد إن لي واسطة .. والواسطة يا بوجنا ** حبّ الوطن .. والروح .. في حبّ الوطن تدفع ثمن !!! انشاء الله يعلي مراتبك في الدنيا والاخره يادحوم |
رد: هذي الشهادة يا وطن .. وين الوظيفة يا وطن ؟
وين الوظيفه ياوطن وين الوظيفه ياوطن
آآآآه انا الحين داخل بالسنه السابعه ولا وظيفه ولا ظنا الله يرزقنا بالوظيفه ياوطن الدحمي خليها على الله تقبل مروري |
رد: هذي الشهادة يا وطن .. وين الوظيفة يا وطن ؟
الله يرزقك ياالدحمي ويرزق ابناء القبيلة
تحياتي لك |
رد: هذي الشهادة يا وطن .. وين الوظيفة يا وطن ؟
تسلم يالدحمي
فبإذن الله لا أردد هذه الابيات فأملي بالله كبير والله مايضيع أجر كل من تعلم وكان تعليمه كله في مخافت الله |
رد: هذي الشهادة يا وطن .. وين الوظيفة يا وطن ؟
والله قصيدته معبره بقوة
يسلم راسك يا الدحمي ويوفقك الذيب |
| الساعة الآن 12:27 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL