الشبكة العامة لقبائل الحويطات - المنبر الاعلامي و المرجع الرسمي المعتمد

- منتدى المنقولات الأدبية (https://www.alhowaitat.net/forumdisplay.php?f=19)

- - اتبع ظنونك (https://www.alhowaitat.net/showthread.php?t=39404)

اتبع ظنونك

دقايق قبل لا تحكم على وتتبع ظنونك
ابي لحظة وفا بين القلوب وروح في شانك

ابيك تلاحظ احساسي وتعرف حب مجنونك
ابيك تحس بالفرقا قبل لا ينطق لسانك

على هونك ترفق بي على هونك على هونك
ترا ماني الشجاع اللي يطيق بيوم هجرانك

انا اذكر كنت لك عاشق يهيم ويعشق فنونك
على وضح النقا جيتك غرام يموت بجنانك

ولو ظنيت باخونك حرام اني فلا اخونك
انا حافظك في قلبي وكلي ما بعد خانك

جمعتك في معاليقي احبك كيف ما صونك
على كثر الغلا فيني شعوري بالهوى صانك

عرفت اني على شانك رهنت العمر لعيونك
عرفت اني وطيت الشوك وكل هذا على شانك

كفايه ما تحملته من الحرمان وطعونك
انا لو صاحت جروحي تعدت جملة احزانك

فمان الله يا قلب حرام يعيش من دونك
الا منك نطقت الحكم ابيك تروح في شانك

رد: اتبع ظنونك

شـكــ وبارك الله فيك ـــرا لك ... لك مني أجمل تحية .

رد: اتبع ظنونك

جميل ما طرحت يا عاشق

كلمات رائعه وخاطرة اروع

تقبل مروري المتواضع

لك التحية

رد: اتبع ظنونك

حروف رائعه وعبارات من نور لها روح الشفافيه البسيطه
ولها مقامع الجرح العميق دمت بود استاذي عاشق الادب
وتقبل نسمات عطر حروفي
............تبقى الكلمه