أحترم رآيك وهذي تعتبر / وجهه نظر / ..!
 

السلام عليكم ورحمة الله وبركاته

القصيده للشاعر : احمد الصآنع ..


مغفره وذنوب , والساعه بلا تُوبَـه تدور
السنه صَارتْ سَريعه حِيلْ , وأحْسِبْهَا شهر
عِذتْ أنا مِنْ شَرْ خَناسٍ يوسْوسْ بالصدور
وما بكيت إلا لوجــه اللــه في ليلة قدر
تِختصر مَعنى حياتِكْ كيف تبني لِكْ قصور!
أحْتِــــرم رايك ..
وهذي تُعتبَــر
..... ( وجهَــة نظر ) !
زين طيِّب .. دام تِدري إنَّ لِكْ رَبٌ غفور
ليه ما صَلِّيتْ لَجله وما رفعت إيدك شكر!؟
حَدِّث العاقِلْ بمَا يُعقَل ..وفي قلبٍ جَسُور
وإنْ خطيت بحق غيرك روح قدِّم له عذر
رافِقْ الشخص المِثالي اللَّي لو تخطي / يثور
وإن سِمَعت إسْمَعْ مِنْ اللِّي تِلقى في صَمته " دُرر "
وقبل تِسأل عَنْ حياتي وكِيف وجهي شَع نور
خلْ كلامي لِكْ وصيَّه وخلْ بعد عِندكْ خبر
ما نالْ في الدنيا أحَدْ يا سَائلي غير (الصبور)
والدليل إنِّـي صِبرتْ .. وكانت أيامــي تمر
لا تقول: الحَلْ إنِّكْ تِلقَى لِكْ,عاشِقْ غَيور
إنْ حَبِّتِكْ عِينه ترى ..
ما حَبِّتِكْ
........ عِين الدهر !!
مِثلِكْ أوَّلْ كان حَالي وضِيقتي ونفس الشعور
كِنت أقول: شمعنى قلبي في مشاريعَه خسر
ما دريت إنَّ الغِيابْ أحيَان أفضَلْ .. مِنْ حضور
لِين شِفت " الشمس " تشرق بعد ما يغيب ( القمر )
وما دريت إنَّ التواضُع كنز / ومَكرُوه الغرور
لِين شِفت إنَّ الغِنى .. في الآخِرَه مِثل الفقر !!
كِنتْ غـافِلْ في حياتي وكِنتْ أجْهَلْهَا الأمور
لِينْ ربِّي له هدَاني .. وصِرتْ أدَوِّر لِي أجر
لا تقول: أعيش يُومي دامي في عمر الزهور
منت ضامِنْ عُمركْ الباقي .. وقَطَّافْ الزهَر
قبل لا تبدي الخطِيئه وتبْنِي لِذنوبك جسور
خافْ مِنْ ربِّكْ وفكِّـر في وعَد يُوم الحشر
مَهْمَا كِنت إنسَان " راقي " وتعشِق أنواع البخور
التراب اللَّي يضمك بعد مُوتك
........ والقبر !!
ياما قالوا الناس : خايف
وقلت : ما فيني قصور
بَسْ شِفتْ إنَّ الشَّجَاعَه مَعنى ثاني للخطر
إيهـ خافْ وكُونْ سَالِم دام هالدنيا بحور !
والبحر مَهْمَا وفالِكْ طبعَـه ( غدار ) البحر
وللشجر إن شفت هامه هذا مِنْ طيب الجذور
يعني أعمالك جذورك هذي هـي بالمختصر
القضيه : ما هِـي شخصٍ خالِفَـه شِرطي المرور
البشر في الدنيا هذي صَار , ياكِلْهَا بشر
........ البشر في الدنيا هذي صَار , ياكِلْهَا بشر


مع التحيهـ

رد: أحترم رآيك وهذي تعتبر / وجهه نظر / ..!
 

..... ( وجهَــة نظر ) !
زين طيِّب .. دام تِدري إنَّ لِكْ رَبٌ غفور
ليه ما صَلِّيتْ لَجله وما رفعت إيدك شكر!؟
حَدِّث العاقِلْ بمَا يُعقَل ..وفي قلبٍ جَسُور
وإنْ خطيت بحق غيرك روح قدِّم له عذر
رافِقْ الشخص المِثالي اللَّي لو تخطي / يثور
وإن سِمَعت إسْمَعْ مِنْ اللِّي تِلقى في صَمته " دُرر "
وقبل تِسأل عَنْ حياتي وكِيف وجهي شَع نور
خلْ كلامي لِكْ وصيَّه وخلْ بعد عِندكْ خبر
ما نالْ في الدنيا أحَدْ يا سَائلي غير (الصبور)
والدليل إنِّـي صِبرتْ .. وكانت أيامــي تمر
لا تقول: الحَلْ إنِّكْ تِلقَى لِكْ,عاشِقْ غَيور
إنْ حَبِّتِكْ عِينه ترى ..
ما حَبِّتِكْ
........ عِين الدهر !!

ماشاء الله كلمات فى غايت الروعه صاغها شاعر قدير انها دارر
وليست ابيات من الشعر قصيدة تدمج فى محتوها عبره وحكمه وموعظه مااْروعها

شكررررررررررا لك الاخ ذيب الشوامين على هذه التحفه
تحياتى لك الاخ الكريم

رد: أحترم رآيك وهذي تعتبر / وجهه نظر / ..!
 

يسلموذيب
جبتها ع الجرح وكنك مادريت

رد: أحترم رآيك وهذي تعتبر / وجهه نظر / ..!
 

يسلموخيو
جبتها ع الجرح وانااختك
تقبل مروري
مريومه

رد: أحترم رآيك وهذي تعتبر / وجهه نظر / ..!
 

احسنت الاختيار والانتقاء في نقلك
قصيده جميله وتحمل سمو المعاني
والعضه والعبره في طياتها

رد: أحترم رآيك وهذي تعتبر / وجهه نظر / ..!
 

والشكر لمرورك العطر والمميز أخيه
دمت ِ بود

رد: أحترم رآيك وهذي تعتبر / وجهه نظر / ..!
 

رد: أحترم رآيك وهذي تعتبر / وجهه نظر / ..!
 

قبل لا تبدي الخطِيئه وتبْنِي لِذنوبك جسور
خافْ مِنْ ربِّكْ وفكِّـر في وعَد يُوم الحشر

صح لسان قايلها ....
ومشكور وموفق من انتقاها..
قصيده رائعه جدا.
تقبل مروري.

رد: أحترم رآيك وهذي تعتبر / وجهه نظر / ..!
 

يعطيك العافيه اخوي وعندي نقطة أبي اضيفة هذا بعد أذنك, الحمد الله الذي جعلني من المصلين الحمد الله والله يا أخوان لما
تصلي وترضي ربك وامك وأبوك تحس بطعم الدنيا وترتاح وتحس برضا وقلبك دليلك ,هل ربك راضي عليك ولا مش راضي قلبك يجاوب على السوأل ؟

رد: أحترم رآيك وهذي تعتبر / وجهه نظر / ..!
 

حريص دائماً على نقل المفيد يالذيب..
تحياتي وتقديري يابوبتال.

رد: أحترم رآيك وهذي تعتبر / وجهه نظر / ..!
 

شكري ووردي لكل من عطر ومر من هنا


الذيب