الشبكة العامة لقبائل الحويطات - المنبر الاعلامي و المرجع الرسمي المعتمد

[ALIGN=CENTER][TABLE1="width:100%;background-image:url('http://up.7cc.com/upfiles/hRY50685.bmp');"][CELL="filter:;"][ALIGN=center]

شتتني , شهود , غريب , هناك , ومنظر , وقاضي

شهود وقاضي ومنظر غريب هناك شتتني !!

الى حضرة جناب المتهم قلبي وأعوانه
الى ذيك الظروف الي على الاجرام حدتني
أنا لي قلب متواضع ومابه للجفا خانه
بريئه واذكران أمي على العادات ربتني
وعمري ماحلمت اني اكون بيوم فنانه
بنفس الوقت ماعمري رخيت الراس عن متني
وكنت أحلم على قدي عشان أعيش فرحانه
قدرت أستوعب أفكاري ومع ذلك تحدتني
بليله مابها قمره 00 لمحت الأرض ذبلانه
وقفت ولكن رجولي لذاك الدرب دلتني
بديته قبل يبدابي 00 وأنابالرعب مليانه
أطالع خلفي واستغرب 00خطاي شلون شالتني؟!
وفجأه دون ماحسب وجودي كنت هلكانه
دخلت بمحكمه فيها عباره فوق شدتني
عليهاكانت اللوحه تقول أحلام شيطانه
شهودوقاضي ومنظر غريب هناك شتتني
لمحت بأخر القاعه بجنب الباب زنزانه

قربت شوي والصدمه من اللي شفت هزتني

هذا قلبي الواقف ؟ والا العين غلطانه ؟

لكن الوكاد اني وقعت وعين صابتني
سألته قلبي شلونك ؟ ورد بنفس خجلانه

الله يسامح أحلامي بموقف صعب حطتني

قلت الحلم مايشوف وزواياالليل سكرانه

قال الصبح وعيون الحقيقه ماتعدتني

تعاهدنا أنا وقلبي يقول الصدق بلسانه

وحكالي قصة واللي خلق هالكون بكتني

تركته لين ماصاربقواه وكامل ايمانه

يقول بوجهي الدنيا مع الأحلام غرتني

كنت أتخيل الحب الحقيقي يشبه الدانه

صرت أكبر أحلام الطفوله لين خانتني

لاني كنت أبي أرحل عن الروتين وادمانه

سرحت أكثرمن اللازم واثر الأيام فاتتني