على قد ما فيني
 

قبل لا يقوم الصبح ويصحصح اليسمين
تعال اقطف الورد المفتّح على ابوابي


تعال انثر بذورك هنا في قلوب اللين
ابرويك من حبر العطش داخل اكتابي


اذا ما الزهر هدهد وهب النسيم الحين
عروق المحبه من حواليك تنسابي


تقطّعني الغيبه ويطعنّي التخوين
ويقهرني اكثر شي ما تحسب احسابي


وقلبي ورق توت ٍ تساقط قبل عامين
كأنه قوارب حب في ساقي اعتابي


من البارحه والليل مرود يكحْل العين
وانا انطر متى طيفك يرفرف على اهدابي


مثل ما اشوف الصبح يتنفّس الغالين
غلاك اكبر واحيا اذا جيت تحيابي


على قد مافيني محبه وخاطر زين
على قد ما بك ضيق خاطر وترحابي


نسيت المثل وش قال والحب قرض ودين
كثر ما عطيتك حب لا تحرق اعصابي

كثر ما عطيتك حب لا تحرق اعصاااااااابي

رد: على قد ما فيني
 

الله الله ياعناد الرواد
كتبت وابدعت وامتعت
صح لسانك ملايين
ننتظر جديدكـ
تحياتي

رد: على قد ما فيني
 

ابداع جديد بروح جديدة ... شكرا عناد على هذه الرائعة

رد: على قد ما فيني
 

نسيت المثل وش قال والحب قرض ودين
كثر ما عطيتك حب لا تحرق اعصابي

صــــــــح السانك وفاآآآلك البيرق
قصيده راقت لي جدآآآآ يعطيك الف عافيه
خالص تقديري وحترامي

سمو..}