|
يا صاحبي،،،طالبك...خلني،،،بحالي...
يا صاحبي طالبك خلني لحالي مابي اضيق خاطرك وانت مرتاح يا صاحبي وان غبت عنك ليالي غلاك باقي بالحنايا ولا راح تبي اسولف لك وش اللي جرالي ...؟؟ اخاف يمسح قولنا الصبح لا لاح اجل تعال اجلس هنيا قبالي دام الحطب طاح وكثير العتب طاح لو كل شخص إليا عطيته وفا لي ...؟؟ ماكان بــ الدنيا حزن ليل وجراح ولو كل غالي قدر إحساس غالي ...؟؟ ماشفت ذاك الدمع من محجره ساح ولو كل قلب من الحسد جاك خالي ...؟؟ مايشتكي من شح الامطار فلاح ولو كل واحد جاك طبعه مثالي ...؟؟ ماكان بــ الدنيا سجن ناس وإصلاح ولولا الذنوب اللي بكبر الجبالي ...؟؟ ماكان جيش الكفرلـ بلادنا إجتاح ولو الردي يعرف شـ معنى عيالي ...؟؟ ماقط أبوه بدار الآلام يا صاح هذا بعض حزن السنين التوالي طير الحزن مبطي على خافقي ناح مااقول ان الخيرماله مجالي لآوالذي يفلق من الليل الإصباح لكن هنا بعض الآلم يا حلالي ونا ادري انه العود يوم احترق فاح اول اقول اني صبور وشمالي واليوم لا والله انفجر سدي وباح ماقلت لك يا ذيب خلني بـ حالي ...؟؟ هذا انت ضقت واذكرك جيت مرتاح |
رد: يا صاحبي،،،طالبك...خلني،،،بحالي...
اول اقول اني صبوروشمالي
واليوم لا والله انفجر سدي وباح ماقلت لك يا ذيب خلني بـ حالي ...؟؟ هذا انت ضقت واذكرك جيت مرتاح صح الساآآآن شاعرها وسلمت يمينك على مانقلت لنا هنا قصيده رائعة تقبل مروري ودمت في رعاية الله سمو..} |
رد: يا صاحبي،،،طالبك...خلني،،،بحالي...
ولو كل غالي قدر إحساس غالي ...؟؟
ماشفت ذاك الدمع من محجره ساح الله الله على الذائقه الرائعه عوفيت على النقل المميز واحلى تقييم لعيونك دمت بحب.. |
رد: يا صاحبي،،،طالبك...خلني،،،بحالي...
اقتباس:
الله يسلمك سموو واسعدني تواجدك ومرورك لا عدمناه لك التحية |
رد: يا صاحبي،،،طالبك...خلني،،،بحالي...
اقتباس:
هلا فيك اخوي عبدالمجيد سعدت بتواجدك ومرورك من هنا لا عدمنا هالحضور لك التحية |
| الساعة الآن 10:40 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL