الشبكة العامة لقبائل الحويطات - المنبر الاعلامي و المرجع الرسمي المعتمد

ياالصغيـر مـا يكبّرنـي لقـب ومايصغرني اليا انكرني صغيـر

ما خذينا الصيت من جمع الذهب ولا نسابة شيخ أو قربـة أميـر

كاسبينه من هل السيـف الحـدب الجنايز كان مـا جـاك النذيـر

صيتهم نجم علـى راسـه لهـب سمعوا الصقهان به واجهر ضرير

بالوفا تاريـخ ابيـض ينحسـب لا حكوا بالحق حييـن الضميـر

ضيغمـي ٍ للسناعيـس انتسـب لابت - طلنا بها عرش - كبيـر

عند حدك يا كثير الهـرج تـب ولا تمر النار وثوبك من حريـر

كان لـك عـز ٍ بذلـي فتعقـب والله إلا تبطي وحبلـك قصيـر

احسب انك من صناديـد العـرب واثري ساترتك عباتك يا غريـر

ما حسب للسّوس زراع القصـب والقرادة مـادرى عنهـا البعيـر

عن هلـك وبـراي لله احتسـب الرجال اللـي مجاراهـم عسيـر

من قريش المصطفى وابو لهـب والدغالب ما غشت عذب الغديـر

للرجال مـن الرجاجيـل العتـب والزكاة اتحل فـي حـال الفقيـر

.... ابو وقتٍ غدينا بـه حطـب تحرقه نارٍ "...." يثورها أجيـر

ما ألومك الزمـن سـوا العجـب هو بقى غير الكرامـة بالجفيـر

مـا أذل والـراس يـشـم اللهب لو بقى من شمر ٍ طفـل ٍ غريـر

ما أهاب ولا يزلزلنـي غضـب الشجاعة ورث والعاقـل غزيـر

يا صغيّـر مـا يكبـر باللقـب غير منهو كان للدونـة صغيـر

قصيدة للأمير طلال بن عبدالعزيز الرشيد ( الملتاع )

الله يرحمه ويسكنه الجنه ..

قصيدة خطها كبرياء شاعر , فجاءت شامخة المعاني .