الشبكة العامة لقبائل الحويطات - المنبر الاعلامي و المرجع الرسمي المعتمد - كأنها طعنتك ضيف وقلبي حاتم الطائي..*.....

http://www.vp.rghh.com/imgcache/0/75...5.imgcache.jpg
:
:

أجي مِسْرع إلى ذاك المطار , ويرتبك نصفي ..
ونصفي الثاني يتسائل عَن اللِّي صار و.. أخطائي

تروح شلون عَنْ عيني .. وتبدِّل قوِّتي بـ ضعفي !!
ولا بـه شـي يستاهل عشانـه .. تبدي إيذائي ..

( مساااافر ) دُونْ ما أدري وحِزني داخِلي مخفي
أبيـك الحيـن مـو باكـر تِحلِّقْ فوق أجوائي

مطار القلب يتحرى رجوعِـك , غيبتِـك تكفي
أبكتب لِكْ ولا أقــدر على .. التعبير وإملائي

غيابك مـا رحَم حالـي وحرفي آآآه يا حرفي
تلعثمت , وعجزت آخذ في وقت البُعد إجرائي

أنا كلِّـي عَطَشْ ضامـي أعيش بغيبتِـك حتفي
لأنك ساعـة الضيقـه هواي , وبالعَطَش مائي

أحبك يا [ وَطَنْ ] غالـي عَليْ وحَضْرتِي " منفي " ..!
كفايـه لا تِشتِّتْنِي
تعـال ..
وجَمِّـعْ أشيائي !!

وَطَنْ شنهو وَِطَنْ .. إلاَّ عُيونِكْ في لُغة وصفي ..؟
غريبه شلونْ تتركْني .. وإنت بداخلْ ( أحشاااائي ) !

( ثلاثْ أيَّــاااامْ ) تهجرني ولا بيَّنتْ لِكْــ نزفي
ودُواي اللِّـي تِكاثرْتَـه عَلـيْ وصِرتْ لِي دائي

( ثلاثْ أيَّــاااامْ ) ما نامَت عيوني وما قِدَرتْ أغفي !!
لي اللـه كِلْ ما حُولي غريبْ وعَالَمِي .. نائي

( ثلاثْ أيَّــااااامْ )وأنوار المدينه يا الغلا تطفي
وتِعِمْ الظَّلمَه فـي قلب الشوارع وأفقِدْ أضوائي

تِصَدِّق حتَّـى بسماتـي .. أهَلِّـي فِيها وتِقفِّي !
تعـال ولَمْلِمْ جُروحـي ورَتِّبْ فُوضَة أجزائي

يجينـي الجَرَحْ مِنْ إيدكْ .. وأصْفِقْ كَفِّي بكفِّي
أعَزْ أحبابي يطعَنِّـي ويداوي الطَّعْنَه أعدائي !!

( ثلاثْ أيَّــاااامْ ) تِطْعَنِّي وأنا أشِيلِكْ على كتفي ..
كأنْهَا طَعنِتِكْ
" ضِيفٍ "
وقلبـي .....
حَاتِمْ الطائي !!

مما راق لي