صبري غنيمه
 

[poem=font="jamal,5,black,bold,normal" bkcolor="limegreen" bkimage="http://www.alhowaitat.net/mwaextraedit4/backgrounds/91.gif" border="none,4,black" type=0 line=0 align=center use=ex num="0,black""]
ماللزمن عهد وموده وميثاق=عجل النكوفه لو تحاذرت بوقه
غير العنا ماشفت منه ولاساق=تل الحشا بالماضي اللي يسوقه
من صغر سني عود البال منضاق=وان طاب جرحي نقضنه فتوقه
كم من صويبن ضايق الصدر منعاق=جرحه وضرفه والطواري تعوقه
فكرت لين احترت والبال ماراق=والحقت روحي من عنايا لحوقه
بلشت في وقتن له الحر ماطاق=وقتن عسيرن وين نفسن تطوقه
اجض جضة خمس بطويل شهاق=حافن عشاهن وافلسن من طروقه
صبرت صبر اللي كسيرن من الساق=في ديرتن مافيه جنس مخلوقه
يزعج ونينه نازف الجرح دفاق=ماله رجا من قلب يبسن عروقه
ليت المواجع كلها بعد وفراق=ياهونها ياهل القلوب الشفوقه
مير البلا كن المحاور بالاعماق=من كف ساق البينه واللفوقه
لوكان بيدينا قدرنا والارزاق=من يدري ان الكاس مر ويذوقه
والادمي صبره غنيمه ولوضاق=ماينحمد رجال فضاح موقه
والاوفق اطوي عبرتي وسط الاعماق=ليه اشتكي لاهل النفوس الطفوقه
باكر ينوض من الرجى ضوح براق=لاقبل يزوم وزايد الثقل فوقه
لاصار يطوي سرمدالليل الاشراق=صبحن مفاتيح الفرج في شروقه
خل عنك من صان الموده ومن باق=لايجزعك من جاير الوقت عوقه
شد العزوم وهقوة النفس الافاق=حروة مراويح المزون الصدوقه
[/poem]

رد: صبري غنيمه
 

من صغر سني عود البـال منضـاق -وان طاب جرحـي نقضنـه فتوقـه

كم من صويبن ضايق الصدر منعاق -جرحه وضرفه والطـواري تعوقـه

فكرت لين احتـرت والبـال مـاراق -والحقت روحي مـن عنايـا لحوقـه

بلشت في وقتن لـه الحـر ماطـاق -وقتن عسيرن وين نفسـن تطوقـه

ما قول الا أبدااع
وصح لسانك شاعرنا المبدع
ومن طول الغيبات جاب الغنايم
موفق ان شاء الله

رد: صبري غنيمه
 

رد: صبري غنيمه
 

صدق من قال . من طول الغيبات جاب الغنايم
الشاعر المتألق الاخ خليل بن لافي . صح لسانك
على هذه القصيده الرائعه . ويعطيك العافيه

رد: صبري غنيمه
 

صح لسانك ياغالى
وتسلم اناملك
ولاتحرمنا جديدك
دمتم بخير يابن العم

رد: صبري غنيمه
 

شكرا للجميع عسى ان اكون
عند حسن ضن الجميع
لكم ودي

رد: صبري غنيمه
 

رد: صبري غنيمه