الشبكة العامة لقبائل الحويطات - المنبر الاعلامي و المرجع الرسمي المعتمد

- منتدى شعراء شبكة الحويطات (https://www.alhowaitat.net/forumdisplay.php?f=92)

- - البنت فرس غلا (https://www.alhowaitat.net/showthread.php?t=43181)

البنت فرس غلا

تدري وش اللييتعب البنت ياخوي...

رجلٍ يخون اشواقها و المودة

إللي إلا احتاج الغلا صار نمرود

وليا شبع مما عطاه إسترده

البنت ريحانة غلا ... ناعمة عود
تبي لها رجلٍ ورث طيب جده

رجلٍ فعولة كلها جود في جود

ما يلتفت للي كفوفه تمده ...!!

رجلٍ إلا جته الليالي بمنقود

يتكى لها ما بيح الوقت سده

مهوب نذلٍ ما رعى للهوى عهود

وادناة ما عارض طريقه يرده

ولاهوب لاعلة ... ولاهوب ملهود

ولا شكوك ... و كلٍ طارئٍ يحده

ما اشين من الرجال لا جاك ببرود

وإن قال له ترف القدم شي صده

تبي لها براق طيبٍ له رعود

إن اجدبت يمطر على ريف خده

وإن نادته تكفى لقت عنده الفود

يشيل عزتها على قو زنده

كفه نفل ... وانفاس صدره لها عود

وظلاله الضافي بيدها تمده

البنت خد ... وقد ... ونواظرٍ سود

وريحة غلاً ... ياسعد من شم نده

البنت إلا ضحكت ثمرها لك ورود

يا خوي من يقطف نواوير وردة

واللي يهين البنت ناقص ... ومقرود
فرس غلا ... ماهي حمارة مكده

اعجبتني فنقلتها لكم

رد: البنت فرس غلا

قصيدة رائعه معنى الكلمة
ووصف رائع وجميل

ابيات كثيره اعجبتني

منها

البنت ريحانة غلا ... ناعمة عود

تبي لها رجلٍ ورث طيب جده

.....

البنت خد ... وقد ... ونواظرٍ سود
وريحة غلاً ... ياسعد من شم نده

البنت إلا ضحكت ثمرها لك ورود
يا خوي من يقطف نواوير وردة

واللي يهين البنت ناقص ... ومقرود
فرس غلا ... ماهي حمارة مكده

ابيات في قمة الروعه والجمال

تقبلي مروري

ويسلموووووو على نقلها
لك التحية

رد: البنت فرس غلا

تسلمي ويعطيك العافيه ياخيّه على نقل هالقصيده الرائعه
وكل ابياتها اعجبتني مااقدراقتبس بيت دون الآخر
تحياتي

رد: البنت فرس غلا

قصيدة مفرداتها جميله

ومعانيها جميله

وفعلا فرس ماهي حمارة مكده