الشبكة العامة لقبائل الحويطات - المنبر الاعلامي و المرجع الرسمي المعتمد

- منتدى المنقولات الأدبية (https://www.alhowaitat.net/forumdisplay.php?f=19)

- - اللي حصل شي عادي .. ! ( هقوه و خانت ) (https://www.alhowaitat.net/showthread.php?t=43269)

اللي حصل شي عادي .. ! ( هقوه و خانت )

السلام عليكم ورحمة الله وبركاته

مــدخــل

الـبارحه من ضيقة الـبـال مـا نـمت
ولا نـامـت العيـن الشقـيه دقـيـقـه

يابو عطاالله والصـدر منـغـمت غـمت
علـى الـذي أقـفـى وخـــــلا رفـيــقـــــه

الشاهد الله فـ غـيبـته مـا تندمـــت
ودامـه يـبـي فـرقـاي نفسي عريـقـه

.
.
.

البارحه الليل غير ومـختلف جوه
.................... لحظة قضا ( الدين ) ياديانـها حانت

يا ( بو مشاري ) بعد جعلك على القوه
.................... بعض الوجيه ( انتبه ) منـها ليا ( مانت )

مشكور يـالبارق اللي ماصدق نـــــــوه
.................... صـحيح مـاالعن من الهقوه .. ليا ( خانت )

مــاعاد فـيـهـا حــيــا وانـعدمـت الـخوه
.................... الناس جاها بـلا ... ونفوسها شانت

وانا على فطرتي .. وان جيت بـموه
.................... ( ملامح الوجه ) لو خفيتـها بانت

والكلمه اللي بالصدري باقيـه جــوه
.................... اقول هانت .. وهي والله .. مـــا هانت

دون ( الـخوي ) ما ذخرت لوقتي وسوه
.................... شف وشـ كـثـر شالت ( متوني ) ولا لانـت

ارفا الـخمل .. لا ظهر .. واجيه وانـوه
.................... وأدفع ثـمن ( غلطةٍ ) مـا كـنـها كـانـت

واحطب له ( ظلوع ) صدري لا طفت ضوه
.................... واجـمله .. ( وامدح علومه ) .. ليا زانـت

ماكنت أبي ( شي ) .. كان الدافع مــروه
.................... وعـهود ( عاهـدت ) فيـها نفسي ( وصانت )

مانـيب نـدمان .. مـير الـجرح يـا ( قـوه )
.................... عزاي ياكـم ( رجالٍ ) من ( الوفا ) عانت

ياصاحبـي كان باقي ( لي ) طلب ســوه
.................... اللي حصل شي عادي .. ! ( هقوه و خانت )

لا جيت ( بـيـر ) الصداقه ( دمـه ) و ( طــوه )
.................... هانـت لك اًشيـاء بس ( النـفـس ) مــا ( هــانــت )

.
.
.

مـخـرج

ان ضاقت الدنـيـا عليـه تـحـيـزمت
.................... ودعيـت رب الـكـون يـرحم خـليقه

يـاما و يـاما يـا خفـوقي تـألـمـت
.................... وتشيل حـمـل(ن) غيركم مـا يطيقه

وخـتامـها بـ صبر على الـهم و الـغـم
.................... لـو أن صـدري فـيه مـيـتـيـيـن ضـيـقـه