الشبكة العامة لقبائل الحويطات - المنبر الاعلامي و المرجع الرسمي المعتمد

- القصائد الخالدة في قبيلة الحويطات (https://www.alhowaitat.net/forumdisplay.php?f=58)

- - قصيدة النومسي في الحويطات (https://www.alhowaitat.net/showthread.php?t=43808)

قصيدة النومسي في الحويطات

[frame="10 98"]

بسم الله الرحمن الرحيم

[/frame]
[frame="10 98"]

هذه القصيده قالها الشاعر/صالح بن عياد بن دغيش النومسي في حفل قبيله الحويطات لجلاله خادم الحرمين الشريفين الملك/ عبد الله بن عبد العزيز ال سعود أثناء زيارته لمدينه تبوك عام 1428هـ وقد ألحق فيها أبيات خاصه بقبيله القبيضات من الحويطات في عام 1432هـ في الحفل الذي أقامه الشيخ /عايد علي القبيضي الحويطي(أبو سويلم) لقبيله بلي وبني عطيه وبعض من كبار الحويطات وعدد من الحضور الذين شرفو الحفل في يوم الاربعاء ليله الخميس الموافق /22/2/1432هـ
[/frame]

[frame="15 98"]

*القصيده:-
مريت بالصدفه بحفل الحويطات**على يمين الخط يستاهلونه
عندي قصيده موجزه جمله أبيات**من فضلكم واحسانكم تسمعونه
فرصه عمر ماله ثمن بالريالات**عمر الفتى دقايق تحسبونه
وقلت السلام التام بأجمل تحيات**اعداد ماهل المطر من مزونه
جمعا تجمع والزعيم الطقيقات**عندي خبرمن زارهم يكرمونه
محفل وفاء منهم مع الجود طاعات**تجديد عهد للملك يعلنونه
أهل المروه والعشم والجزيلات**قولآ وفعل والعرب يعرفونه
قبيله تعرف بدون لوحات**إلا انهم مثل العرب يكتبونه
أهل الركاب اللي يسمن زرعات**المنقطع بظهورهن يردفونه
حرايرآمثل الأهله طبيعات**مايضربن إلا فحل يمهرونه
جرد الرقاب اللي بالأوبار حصات**فج النحور مروبعات متونه
إن روحن مع خايع مستذيرات**بإمكانهم صيد الخلاء يلحقونه
وسلاحهم بيض السيوف الشطيرات**كم راس شيخآ باللقايقطفونه
فرسان لياراكبوابنات العبيات**عدوهم بنحورهن يدهكونه
إلى اختلط عج الرمك والعيارات**الموت هاك اليوم مايكرهونه
يوم الفتيل ويوم قدح الرصاصات**طرشان بالآذان مايسمعونه
جحافل مثل السباع المجيعات**يشهد لهم بالكون كل معنونه
إلى فرعن بيض العذارى الستيرات**أعمارهم من دونهن يرخصونه
حماية الساحل وطرق المسارات**عند اللوازم واجبآ يحتمونه
من الخريبه لين تتن مساحات**وميناء ضباء مع الحرس يحرسونه
رجالهم يعرف بثلاث حاجات**خبار صبار وفيهم مرونه
تعرف مواقفهم نهار المثارات**أكبر شنب عند الخوي ينتفونه
جاورتهم وخاويتهم بالمهمات**وهذا وفاء من حضرتي يذكرونه
أهل الصياني والصحون الوسيعات**كم حايل لضيوفهم يذبحونه
أهل البيوت البينات الذريات**برفافهم سمن الغنم يدفقونه
تجملوا بالضيف يوم المجاعات**والخير زاد وربنايشكرونه
عندي على ماأقول برهان واثبات**الله عطاهم هيبةِ يلبسونه
واليوم جينا ظيوف عند القبيضات**رجال المروه والعشم يفعلونه
عايد معزبنا زبون الونيات**شغموم نشمي كلكم تعرفونه
كريم سبلا مايحسب الريالات**رجل الكرم معروف ما ينكرونه
له ماقفِ يعرف إلى صارهيهات**حمل البليهي مايثقل متونه
حمولته نعم الحموله قبيضات**نكرر لقبهم بالورق تحفظونه
كرام اللحا طيور شلوى القبيضات**الطيب لوهو بالجبل ينحتونه
خويهم والجار يلقا كرامات**وعدوهم خيره يلعنونه
ليًه مع الأجواد ماقف ووقفات**يوم إن خطوا اللاش يرضا المهونه
محروم عفن لا يودي ولاهات** غير ألمره وابناه مايعرفونه
ما قل دل وزبده الهرج إشارات**وبيت القصيده دايم تعرفونه
هذا كلام النومسي بالحويطات**كان الخطا مني حصل تسمحونه
وصلوا على خاتم جميع الرسالات**على نبيآ كلكم تتبعونه

*نقلها لكم اخوكم (أ/ثامر بن عايد سعد القبيضي الحويطي&عجاج الموت&)
[/frame]

رد: قصيده

أن شاالله أوافيكم بباقي تفاصيل فقرات الحفل في وقت قريب انشاالله تحياتي لكم وانتظرونا

رد: قصيده

قصيده رائعه صح السان الشاعر
تسلم الايادي اخي
في انتظارك

رد: قصيده

صح لسان الشاعر صالح بن عياد النومسي ويستاهلو الحويطات هذا المدح ومن حصل شي
يستاهله ونشكر الأخ ثامر بن عايد القبيضي الحويطي على نقل مثل هذه القصيده . وشكرا

رد: قصيده

اقتباس:

المشاركة الأصلية كتبت بواسطة ~ صاحبة السمو~ (المشاركة 385580)

قصيده رائعه صح السان الشاعر
تسلم الايادي اخي
في انتظارك

اشكرك اختي على التفاعل مع هذه القصيده الرئعه تحياتي ان شاالله يسلمووو

رد: قصيده

اقتباس:

المشاركة الأصلية كتبت بواسطة حسين أبوتايه (المشاركة 385622)

الحويطات تستاهل كل المدح وهذي ما هي غريبه على هذه القبيله العريقه تحياتي لك اخوي حسين والشكر موصول كل احترامي وتقديري لك ولكل الاخوان والاخوات وشكرآ

رد: قصيده

صح لسان الشاعر الشاعر صالح بن عياد النومسي

ونعم به ونعم باالحويطات

بارك الله فيك اخوي ثامرعايدالقبيضي على نقل الموفق