الشبكة العامة لقبائل الحويطات - المنبر الاعلامي و المرجع الرسمي المعتمد - أرتويـــــــــــ من ــــــــــــــــــــــــت الضمــــــــــــــــى

أول ضمى .. !

الوقت ماعلّم خطاوينا
***********إن المسافة تبي [ تفارق ]
قربك وتلويحة أمانينا
***********وأحلامنا والموعد الفارق
طارت بجنحان ماضينآ
***********وما بلّلت [ غصني الوارق ]

( إرتويت مْن الضمى )ماغرست الحلم في صدر الغيابْ
***********لو غرستك داخل ضْلوعي حنين

( إرتويت مْن الضمى ) وأنتي سراب
*********** لو طردته / مات شَكي ، بالـيقين

رحت أدور في غيابك عن جوآب
***********للسؤال اللي ذخرته ، للسنين .. !

صاحبك جاء لك ، وبيدينه عتاب
***********وراح منّك ، مامعه [ غير اليدين ]

مادرى بـ إنْ العتاب يفج باب
***********آخر ضلوعك ويفرجني حزين .. !

وين آروح ؟؟ وكل مابي إغتراب
***********وين أدورني ؟؟ بعد ماترحلين .. !

ليلنا خـآوي / وينهشه العذآب
*********** وصبحنا ، شباك ذكرى دمعتين .. !

لو لبسنآ ، من أمانينا ثياب
***********ماتعرّى صدر أمانينا / أنيــن .. !

باقيْ ضمى ،
رحلت / وإحسـاس التعبْ ماتجرّد
باقي صدى ذكرى / وتلويح راجـع .. !

ماشفت بـ أغصان الغلا صوت غرّد
لو كان / صوت البُعد بالصدر ساجع ..!

هربت من [ حضن الليالي ] تمرّد
لقيت ، [ حضن الصبح ] برد المضآجع

مآ زلتْ من وآقع حياتي مُشـرّد
[ مرمي ] ، على تربة حنين و مواجع .. !