http://www.3kalam.net//uploads/image...f8aae2ce1f.png

مرثيه للأمير بدر بن عبدالمحسن في أمه سلمى الرشيد

http://www.inshad.com/audio/Gifts/20...yab_Banner.png

حـزن الغيـاب
للمنشد
محمـد الجبـاري
كلمات
الأمير بدر بن عبد المحسن في رثاء والدته

ما نشدت الشمس عن حزن الغياب
علمتنا الشمس نرضى بالرحيل
كل يومٍ يغرق الضي افـ عباب

ما سمعنا ناعي ٍ .. مابه عويل

وما هقيت الموت يجرحني جواب
لين شفتك في سما عمري اصيل
علميني ياللي كفوفك سحاب
وابتسامك غيث واهدابك نخيل
وش أسوي لا دخل فصل الضباب
وكفت عيوني وضيعني الدليل
حاجتي والشيب بهديني الصواب
حاجتي لك ما مضى افـ عمري حصيل
آه يا سلمى مضى وقت العتاب
والحديث اللي باقوله لك طويل
اعتذر يمه حصل مني غياب
واعتذر ازريت لا ارد الجميل
من يجازيك وعطاياك الشباب
والله العالم ترى ماني بخيل
يوم انا عاري غديتي لي ثياب
وان شكيت الضر شافيتي العليل
ويوم كبر الطفل ولمتي الزهاب
كل ما في الكون من طبعٍ جميل
هي درت حايل وهذيك الهضاب
عن غيابك هو درى الروض المسيل
بنت من لا ثوروا فوق الركاب
ما يباريهم سوى نصل وأصيل
واخت من لا كسرت سمر الحراب
من عنيف الطعن ردوا للصقيل
وام من جدانهم مثل الشهاب
كاسبين المجد من جيلٍ لجيل
يالله المطلوب يا جزل الثواب
تجعل الجنة لها ظلٍ ظليل

ألحان
محمد الجباري
كورال
محمد الجلعود

نايف الجاسر
هندسة الصوت والتوزيع
محمد الجلعود
مكساج
عبد المجيد المحيذيب

YouTube - ‫مانشدت الشمس عن حزن الغياب دلع العيون‬‎