الشبكة العامة لقبائل الحويطات - المنبر الاعلامي و المرجع الرسمي المعتمد

- منتدى المنقولات الأدبية (https://www.alhowaitat.net/forumdisplay.php?f=19)

- - قال الذي راس الطويله وشعها (https://www.alhowaitat.net/showthread.php?t=44262)

قال الذي راس الطويله وشعها

[ALIGN=CENTER][TABLE1="width:95%;"][CELL="filter:;"][ALIGN=center]

قال الـذي راس الطويلـه وشعهـا=راس الطويل ومدهـل ٍ للقرانيـس
قلبـي يشايلنـي علـى مرتفعـهـا=وقبلي لها عصم الشوارب عواسيس

ياما طلـع راسـه مـدور طمعهـا=وياما رقوهـا مبعديـن المراميـس

وين الـذي قبلـي زمانـه طلعهـا=ماكنهم ركبـوا ركـاب ٍ عراميـس

ولكنهم هاشوا عـن البـل فزعهـا=ماتقل لحقوا فوق خيـل ٍ مراويـس

هبيـت ياقلـب ٍ تولعـت معـهـا=كثر الولع يجعل مصيرك مثل قيـس

مافيـه مخلـوق تجنـب ولعـهـا=على النوايا خلق ربـي مجاريـس

افهـم لياشانـت نوايـاك دعـهـا=اضرب طريق ٍ عنك ينحى الهواجيس

طرق الفضيلة شـم لهـا واتبعهـا=حث المطايا مع طريـق النواميـس

الطيب لاهل الطيب فـي مجتمعهـا=ومرافق الانـذال كسـب المفاليـس

والذل لاهل الـذل طرقـه زرعهـا=ماتقبل العـزه نفـوس الهلابيـس

رجلك ليـا ضاقـت لياليـك طعهـا=تل القدم عن ضيقة البـال لاديـس

الله خلـق دنيـاً وسـاع ٍ ربعـهـا=مشييك مع البيدا علاج الحواسيـس

ولاتاصل اللي عنـك رجلـه منعهـا=مايستوي لك في محلـه مجاليـس

لاصـار يمسـك زلتـك لاسمعهـا=خله وتلقـى محرقيـن المحاميـس

شوفه رمد عينـك وقربـه وجعهـا=ومجالسه يبعـث لهـود ٍ مراميـس

مادام نفسـه عـن محلـك رفعهـا=ارفع مقامك عن مقـام المتاعيـس

واخضع لمن نفسه لنفسك خضعهـا=ومن عاكسك بالشين زدله تعاكيـس

والا الرفيق اللـي يبيـن جزعهـا=عندك ليا شان اللغا واشرف ابليـس

اللي ليا صـارت سبـاع ٍ سبعهـا=ضرغام يعبـا للسبـاع الفواريـس

ودارت رحى الهيجا وكثرت وقعهـا=يضحك ليا صكوا عليك المفاجيـس

واللي الى انشقت عباتك رقعها=خلك لعينه من رمدها متاريس

[/ALIGN][/CELL][/TABLE1][/ALIGN][ALIGN=CENTER][TABLE1="width:95%;"][CELL="filter:;"][ALIGN=center]

منقول
مما راق لي
للشاعر/الأسمر الجويعان

[/ALIGN][/CELL][/TABLE1][/ALIGN]