|
الضربه القاضيه .
الضربه القاضيه يـاكـبـرهـا لاجـاتـك مـن اقرب الناس __________وان جـاتـك من آخوك والا ابن عمك والا حـدا ابـنـاهـم وهـو مابه احساس __________مـعــدوم غـيــره يـفـرح بـهـدر دمـك مايـنـوجع لونك على الارض تنداس __________ويــشـوفــك بـعــيـنـيـه مـاراح يـمـك تـسـتـنـجـده تـنـخـاه نـخوة هل الياس __________لـمـا لـسـانـك يـنـشـب بـسـقـف فـمك بـارد دمـه مـاغـيـر يُومي لك الراس __________مـتـجــاهــل الـليّ قـرّب ابـوه لـمـك وخذ الحذر ياالليّ تنافس على الكاس __________والـمـركـز الاول وصـولـه يـهـمـك ووصـلـت قمة مجد والمجد ونبراس __________مـن فـعـل كـفـيـنـك ومـنـهـلك جمك واهـل الـقلوب البيض طيبه ونوماس __________بـك تـفـتـخـروالـكـل بـيـديـه ضـمك ثـم اشـتهرت وصار موقعك حساس __________تـرى حـقـيـديـن الضـمـايـر تـنـمـك والـكـل مـنهم بك هجس كم هوجاس __________ويـتـحـيـّن الـفـرصـه لـيـاجته سمك يـقنعك موت كليب من رمح جساس __________طـعـنـة غـدر ما قـال لـه شيل كمك هـذا وانـا شـعري نظمته على ساس __________مـن واقـع يـلامـس هـمومي وهمك |
رد: الضربه القاضيه .
عزالله ياولد انها وافيه من راس وآفي بيض الله وجهكــ وصح لسآنكـــ... |
رد: الضربه القاضيه .
صح لسانك يالشاعر البياضي ...
وهالقصيده تلامس هموم الكثير ... والشاعر سلمان البش القبيضي سولف لي عن قصيدكم وعن بعض قصائدك وانك شاعر كفو .... تحياتي |
رد: الضربه القاضيه .
صح لسانك يامحمد عزالله أنها وافيه وجزله مثل ماقال الشاعر نديم الشمال
صح لسانك مره أخرى وتقبل تحياتي |
رد: الضربه القاضيه .
اقتباس:
ماعليك زود اخي الشاعر / نديم الشمال وهذه شهادة فخر منك ونعتز بها. وصح بدنك ووجهك ابيض ياالغالي. اسرني واسعدني وشرفني مرورك. بارك الله فيك. |
رد: الضربه القاضيه .
اقتباس:
اقتباس:
صح بدنك اخي الوفي / فزاع الحويطات. ونعم الاخ سلمان البش. صديق وجار وصاحب ومن الرجال الذي ينعدوا شرورك وشروى الرجال الطيبين وشاعرمن الشعراء الذي يتميزشعرهم باالقوه والجزاله وحصل بيننا مساجلات شعريه كثيره ومتنوعة المواضيع. بارك الله فيك ياالغالي وتشرفت بمرورك. دام تواصلك. |
رد: الضربه القاضيه .
اقتباس:
اقتباس:
صح بدنك اخي القدير/ حسين ابوتايه. وماعليكم زود انت واخي الشاعر / نديم الشمال, سررت بمرورك ياالغالي . دمت بخير. |
| الساعة الآن 02:45 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL