اخواني واخواتي الكرام
اهدي لكم هذه القصيدة والتي كتبتها في عام 2004 م
اترككم معها لتحكي لكم

[poem=font=",6,,bold,normal" bkcolor="transparent" bkimage="" border="double,4," type=1 line=0 align=center use=ex num="0,black""]
قلت ابتعد واريحك من عذابي=وانا بعد درب الشقا منه أبرتاح
قلت ابتعد لاعل يبرى صوابي=عقب العذاب أعل من كاس الافراح
وتبعت قولٍ ياحبيبي غدا بي=اثري بدونك مثل طيرٍ بلاجناح
وشلون اطير وكل شيٍ رما بي=في بحر ياسٍ ماظهر منه من طاح
مذبوح انا لا لا تباطا ذهابي=من ذا يعيش بخافقه عدة ارماح
وشلون اعيش وكل شيٍ سرابي=والصدر مهجورٍ غدى مدهل اشباح
سريت ليلٍ والقمر فيه غابي=ليل وأسى ومخاوي الليل صداح
أشعل عذابي بأغنية ياعذابي=قربك عذاب والجفا منك ذباح
كنه يوصف كل شيٍ جرابي=كنه يردد قصتي كل ماناح
مريت انا بريدة ودربي التوابي=عن نيتي سجيت والفكر سبّاح
ضيعت دربي والكريم اعتنابي=من قرية البترا تداركت ماراح
ويمين درب الغانمين التقابي=سار القدم في درب خطواته اصحاح
ابي جبل شمر وذيك الهضابي=حايل عسى برق الحيا فوقها ضاح
مريتها عابر سبيلٍ وصابي=للنيه اللي صوبها القلب جماح
ومريت تيما والقدم بالركابي=ما ارويت من هداج والجم طفاح
وتبوك انا مريتها ولا انتهابي=دربي واحث الرجل للبعد بلحاح
ويوم اشرقت شمسي وزال الضبابي=وجهي شمال وفي طرف ناظري لاح
يمين ذاك اللي لسمر الروابي=شيخ ارتدى للعز والهيبه وشاح
خشم الطبيق وصاحبه عنه غابي=عوده رحل والذكر لليوم ماراح
مسراي من نجدٍ حلول الغيابي=يابعدها ديارٍ بها كنت مصباح
عساني انسى كل همٍ سطابي=عساني انسا لوعتي بالذي راح
واثري كمن يتبع خيال وسرابي=رحت انشد السلوان وعانقت الاتراح
يوم قدم رجلي لدربك مشابي=ذكرت انا ماكان من ضحك ومزاح
لاعادها الله يانصيبٍ سعابي=للشاطئ اللي مامشوا فيه سيّاح
جيته وظني للمواجه بقابي=قوة تعين الجاش والهم ينزاح
واثر الشقا في خطوتي واقترابي=همي غدا وسط الحشا طعن سفاح
ويلاه أنا يالوعتي واغترابي=تفجرت وسط الحشا طعون وجراح
ياليت عينك شاهدت ماجرابي=وشلون خلك من وجع لوعته صاح
شل بيدينه حفنةٍ من ترابي=يسأل رمال خطاك وين انت ياصاح
الله يا اغلى العمر واغلى الشبابي=والله ياحب الصبا وعشق الارواح
الله كيف امست قصوره خرابي=نوافذه يصرخ بها صوت الارياح
ابكي على اطلاله عظيمٍ مصابي=يالايمي وشلون بدله وابا ارتاح
وانا معلق في غرامٍ هوابي=في واديٍ نبعه بالاحزان نضاح
[/poem]

بقلم
حـــســـيـــن أبــوتــايـــه

المشاركة الأصلية كتبت بواسطة العميري (المشاركة 396190) ويوم اشرقت شمسي وزال الضبابي وجهي شمال وفي طرف ناظري لاح يمين ذاك اللـي لسمـر الروابـي شيخ ارتدى للعز والهيبـه وشـاح خشم الطبيق وصاحبه عنه غابـي عوده رحل والذكر لليـوم مـاراح صح لسانك ياشاعرنا حسين ابوتايه جزله جزله تجبرك على قرائتها اكثر من مره للغوص في هذا البوح الرائع سجل اعجابي وتقبل تحياتي

المشاركة الأصلية كتبت بواسطة عايض العبيد الحويطي (المشاركة 396197) حسين ابوتايه صح لسانك دئم مبدع في قصائدك لك اجمل تحيه

واثــر الشـقـا فــي خـطـوتـي واقـتـرابـي همي غدا وسط الحشا طعـن سفـاح ويـــــلاه أنـــــا يـالـوعــتــي واغــتــرابــي تفجـرت وسـط الحشـا طعـون وجـراح يـالـيــت عـيـنــك شــاهــدت مـاجـرابــي وشلون خلك من وجع لوعته صاح شــــل بـيـديـنـه حـفــنــةٍ مـــــن تــرابـــي يسأل رمال خطاك وين انت ياصـاح الله يا اغلى العمـر واغلـى الشبابـي والله يـاحـب الصـبـا وعـشــق الارواح الله كـيــف امـســت قــصــوره خــرابــي نـوافـذه يـصـرخ بـهـا صــوت الاريــاح ابكـي علـى اطلالـه عظـيـمٍ مصـابـي يالايـمـي وشـلـون بـدلـه وابــا ارتــاح وانــــا مـعـلــق فـــــي غـــــرامٍ هــوابـــي فـــي واديٍ نـبـعـه بــالاحــزان نــضــاح

صح لسانك على هذه الجزله الرفيعه
المعبره بكلماتها
وعندي استفسار بسيط يا أخوي هل كان لك ظهور بالوسائل المقروءة او المسموعه غير النت

المشاركة الأصلية كتبت بواسطة حوم نشوان (المشاركة 396527) لقيت بديار الاجواد شيخين خشم الطبيق وعوده لقيناه صح لسانك شاعرنا مبدع وجزل الشعر واضح في حناياك 0000

المشاركة الأصلية كتبت بواسطة الآتي الأخير (المشاركة 396531) الشاعر الحساس حسين ابو تايه و نص جزل و معبر يلامس الوجدان و مناجاة للواقع المرير تعكس عمق الجرح برقي و جمال دمت شاعرا مبدعا نفتخر به

المشاركة الأصلية كتبت بواسطة ابوعبدالله (المشاركة 396540) حسين ابوتايه بيض الله وجهك وصح لسانك روعه دائم مبدع لله درك لك اجمل تحيه

المشاركة الأصلية كتبت بواسطة زرقاء اليمامة (المشاركة 396566) مهما هاجر الأمل مواطـن أرواحنا ومهمـــا رحلت السعــادة عن ممالك أنفسنا حتماً و بكُل تأكيد سيعودان ذات نهـــار سيبزغ الفــرح بتوهّجٌ أكثــر و يستحيــل الحُزن هباءً لا يكاد يُذكر و يظل الأمــل بالله .. أكبر .. وأكبر ..! حسين ابوتايه لـ حروفك عذوبةٌ أخـــرى و شفَّافية ملموسه أرقب في طيــات بوحك جمالٌ سرمدي و حبورٌ خفيّ شُكـــراً تملؤك أبـــداً فـ إنتظـــار قادمك و بشغف مودتــــي حفظك المولــــىا وأسعدك

المشاركة الأصلية كتبت بواسطة نديم الشمال (المشاركة 396574) حسين أبو تآيه.. والوجد الواضح دائما بين السطور في شعرهــ مااقول غير الله يعينك ويصبركــ تحية أقف لك أحتراما.. وحدادا علفى مآرآح ..ههه

المشاركة الأصلية كتبت بواسطة حويطيه اخت رجال (المشاركة 396743) صح لسانك على هذه الجزله الرفيعه المعبره بكلماتها وعندي استفسار بسيط يا أخوي هل كان لك ظهور بالوسائل المقروءة او المسموعه غير النت

المشاركة الأصلية كتبت بواسطة فزاع الحويطات (المشاركة 396756) صح الله لسانك وقصيده جزله من شاعر جزل ........ وماتمل من تكرارها .... وسلمت يا ابو تايه وننتظر قصائدك الرائعه .........