|
قلت الوداع وجاوبت دمعه العين..
السلام عليكم ورحمة الله وبركاته ,,, يقال انه شاب كان يحب بنت عمه وهي كانت تحبه كان بينهم حب لدرجة الجنون لكن للأسف اجبرته ظروف الحياةعلى الاغتراب والعمل خارج بلدته التي يعيش فيها وتعيش فيها اسرته واسرة بنت عمه .. اثناءالوداع وقبل السفر إنهمرت الدموع رغماً عنهما ..... ؟؟؟؟؟؟ قامت بنت عمه وقصة من شعرها واعطت أياهـ كي يتذكرها بالغربة . . وقصّت شعرها قلت انـا وش تسويـن قالـت ابـي مـن غرتي لـك هديـه سافر الشاب ومرت الايام والشهور والسنوات .. لكم ان تتخيلو كيف كان يمر اليوم عليه من شوقة ولهفته الى وطنة واهله وابنت عمه .. ولماعاد الى البلد كانت المفاجئة عندما سئل عن بنت عمه , وجد في عيون اهله نظرة غريبة ودمعه حائرة . الح عليهم بالسؤال وكانت الصدمة الكبرى... لقد توفيت حبيبتك ؟؟ وقبل ان تفيض روحها نطقت بأسمك ’’ فاخر الشاب مغشيا عليه من شدة الصدمة اليكم القصيدة قلت الوداع وجاوبـت دمعـة العيـن تجـرح بساتيـن الخـدود النديـه واغضت وشفت بعينهـا الحزن حزنيـن وصاحت على الفرقا انـا مـو قويـه وجاوبتها ارجـوك تكفيـن تكفيـن والله دمعك يشعـل النار فـيّـه وقالـت تعاهدني عـهـاد المحبـيـن الله يخـون اللـي يخـون بخويّـه قلـت ابشري واللـي خلقـك لاتظنيـن حرااااام ماغيرك عشقـت آدمـيـه وقصّت شعرها قلت انـا وش تسويـن قالـت ابـي مـن غرتي لـك هديـه ونادتنـي الغربه علـى الهـم والبيـن احسّـب الأيـااااام روحـه وجيّـه وفي كـل ليله ترتسـم بيـن رمشيـن خيالها بيـن الـرمـوش الشقـيـه غربة سنه فـي ذمتـي غربـة سنيـن متى علـى الله يلتقـي الحـي حيـه خلاص هانت مابقـى غيـر يومـيـن خـلااااااااص قفّت غربـةٍ جرهديـه ورجعت شوقي في خفوقي براكيـن ورجعـت انـا كلـي لها جاذبـيـه وسألت ما ردّوا وانا اصيح هي وين وكلٍ نثر مـن داخـل العيـن مَيّـه وفـي معمعـة حزني تلقيـت رمحيـن قالـوا توفـت غافلتـهـا المنـيـه وفـي غرغرتها ماذكرت غيرحرفيـن تشهـدت بسـمـك شـفـاه البنـيـه وتزاحمـت فـي داخلي ألـف سكـيـن والحزن يطويـنـي ثمانيـن طـيّـه صدمه وجابتنـي على الارض نصفـيـن وشلـون راحـت دون ذنـب وخطيـه تكفون دلـونـي على القبر هالحـيـن مـاعـااااد فيـنـي للصبر مقـدريـه ووقفـت اطالـع قبرها بيـن نصبـيـن وجلست اضـم اغلـى النصايـب عليّـه واصيح وش بك يا غلا مـا ترديـن اشتقـت همس إشفاهك النرجسـيـه وش فيك جيت من السفر مـا تهليـن ماهي بلك عـاده ولا انتـي رديـه وحاولت في لحظة جنون اجـرح الديـن وازيـح تـربـة قبرهـا فـي يـديّـه وبالغصب شالوني حشـا تقـل مسكيـن واصـرخ بهم والله والله حـيّـه اقفت وتاهـت بـي جميع العنـاويـن والحـزن يلعب داخلـي سامـريـه ورجعت لـدروب الشقـا قبـل عاميـن مدري مـن اللـي صـار فينـا ضحيـه اعجبتني... |
رد: قلت الوداع وجاوبت دمعه العين..
وانا اعجبني جدا
فعلا قصيدة معبرة ومن جرب الفراق وآلآمه يعذره ..شكرا .. |
رد: قلت الوداع وجاوبت دمعه العين..
نديم الشمال
نورت متصفحي لاعدمنآأإأآك |
رد: قلت الوداع وجاوبت دمعه العين..
أعجبتك القصيده وقطعت قلوبنا
الأخت الشوق قصيده حزينه ومؤلمه ومع هذا جميله واضح أن صاحب هذه القصيده كتبها بصدق شكرا لك على هذا النقل الجميل ولك تحياتي |
رد: قلت الوداع وجاوبت دمعه العين..
هذا الحب والوفاء
فُقد في هذا الزمان اشكرك على جمال ما انتقيته لنا دمت ِ بود الذيب |
رد: قلت الوداع وجاوبت دمعه العين..
ورجعت لـدروب الشقـا قبـل عاميـن
مدري مـن اللـي صـار فينـا ضحيـه قصيدة رائعة ومعبرة يظل الم الفراق الم لاينتهي نقل موفق وذوق رائع كل الشكر تحياتي |
رد: قلت الوداع وجاوبت دمعه العين..
حسين ابو تايه
: ذيب الشوامين : العميري " اسعدني تواجدكم العطر " لاخلاولاعدم |
رد: قلت الوداع وجاوبت دمعه العين..
شاء القدر ان يفرق بينهما وان يعيش على ذكرى قديمه ...
كل الود لكِ اخت الشووق لإيراد القصه والقصيده المعبره عن نفسها وعذراً لحذف الصوره لقوانين الشبكه .. مودتي... |
رد: قلت الوداع وجاوبت دمعه العين..
عبد المجيد
نورت متصفحي بحضورك |
رد: قلت الوداع وجاوبت دمعه العين..
[frame="5 98"]
قصه مؤلمه وقصيده اكثر الما لقد ترقرقت العيون ورقت القلوب مرسي الشوووووووووق [/frame] |
| الساعة الآن 10:54 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL