|
موقف حصلي وأنا بحي السفارات
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
موقف حصلي وأنا بحي السفارات=وأنا مواطن سعودي الجنسيه هــديت .. عند آخر مطبات=وعداني (رنج روفر) ما زيه أسود من آخر موديلات=سواقه .. كأنه ولد جنيه لاف ع راسه ياكثر لفات=وحاط على قناه سودانيه ياحسره عليّه ياسامعين الابيات=عندي (مازده) ماتاصل الميه تلقاني مع الدايري بطريق الشاحنات=وبعضهم يزمر لي وخر شويه وأدخل بحاره في حاره بأختصارات=وأصل بعد مده وفتره زمانيه المشكله مبوشه ودها صيانات=أخاف تمسكني الحمايه البيئيه أقلبت السالفه وحتى الآيات=وسمعتو الموقف وحتى الوضعيه بعد مالزول يحب المازدات=انحد عليها واحد من السعوديه أخاف أتكلم وازيد الآهات=كــــل الدواير تقلب عليه المرور يعطيني مخالفة تجاوزات=والشرطه تحملني مسؤوليه وبعض الدواير هيهات هيهات=السكوت أحسن لي وأفضل ليه لاتقولو يافزاع شويه .. سلآمات=أنت بعقلك ولا نوبه جنونيه لا بالله بعقلي وأعرف المخرجات=وأعرف الشماغ والعقال والطاقيه ..................مشفر........=............................. ..............................=.................................. فلسونا العمال وحولو العملات=وحنا بغفله وبأحسان نيه [/poem] اعذروني على المحاولة الشعرية |
رد: موقف حصلي وأنا بحي السفارات
افا يا اخو عيده
اشوفك اليوم تهاجم حمالة الأسية زوبة ( المازدا ) خلاص يعني نسيت جمايلها كل هالسنين بكرة تتخرج يا باشمهندس و تجيب الرنج بس اخاف بعد الرنج تنسى ذكريات زوبة ههههههه محاولة جميلة جدا و فكاهية صح لسانك |
رد: موقف حصلي وأنا بحي السفارات
هههه
صح لسانك يااراعي المازده رديّك ولا جيّد العرب محاوله اولى جميله وتكفى لاتزيد الآهات زنقه زنقه هههههه سلمت ياافزاع على روح الفكاهه تحياتي |
رد: موقف حصلي وأنا بحي السفارات
اقتباس:
لا بالله زوبه رآآح تبقى هي التاريخ وهي التي ماقصرت معي ابدا وساعدتني افضل من البشر .....هههه اليوم علمت واحد من اخوياي من دولة جامبيا السواقه يقول انها سياره اصيله وجميله <<< فشكرته على ذكرها بالطيب .. حتى لو امر من جنبكم ومااشوفكم يمكن مسرع وانت عارف سرعة الرنج هههههههههههههه وتحياتي لمرورك الاتي الاخير الرائع ... |
رد: موقف حصلي وأنا بحي السفارات
من جد ونستنا بها القصيدة اخوي فزاع
وصف ولا اجمل أبدعت وقديمك نديمك دمت بأسعد حال الذيب |
رد: موقف حصلي وأنا بحي السفارات
ههههههه محاوله جميله وفكاهيه يعطيك العافيه |
رد: موقف حصلي وأنا بحي السفارات
صح لسانك فزاع بس نبي المشفر ههههههه |
رد: موقف حصلي وأنا بحي السفارات
صح لسانك اخو عيدهـ
محاولة جميله وننتظر محاولات اخرى بس ارحم المازدا شوي |
رد: موقف حصلي وأنا بحي السفارات
جميل ما كتبت أخي فزاع
ادخلت السرور على قلوبنا وان شاء الله تكبر وتتخرج وتركب طيارة وتكيد العزال صح نبضك |
رد: موقف حصلي وأنا بحي السفارات
يـاحـسـره عـلـيّــه ياسـامـعـيـن الابــيــات عــنــدي (مــــازده) مـاتـاصــل الـمــيــه
اجل مازده والله سياره المازده وتنفع للتفحيط خخخخخخخخخخخخ لا من جد شاعر يا فزاع ومحاوله جيده |
رد: موقف حصلي وأنا بحي السفارات
ههههههههههههههههههه
يالبى الزوبه لا كانت بووكس وانت بأرض خلآآآ تنزل الي براسك كله خخخخ محاوله اكثر من رآئعه فزآع لاتقف خلك دآعسس يعطيك العافيه |
رد: موقف حصلي وأنا بحي السفارات
هههههههههه
شكلك شفرت يافزاع من كثرماتشوف بشوارع الرياض من سيارات فخمة انا الليلة طالع الديرة ومعزوم لي على عشاء وناوي انسخ قصيدتك واردها هناك وانت عارف وش بيصير بعدين ههههه اقول محاولة جيده جداً وتحمل روح فكاهية اتمنى ان لاتقف عند هذا الحد تحياتي |
رد: موقف حصلي وأنا بحي السفارات
اقتباس:
هلا وحياك الله يابن عياد العميري وكلامك صحيح رديك ولا جيد العرب وبعنى حمارك الاعرج ولا ........ وصح الله بدنك تحياتي |
رد: موقف حصلي وأنا بحي السفارات
اقتباس:
حيآك يالذيب ودوووم السعاده ... تقديري لمرورك |
رد: موقف حصلي وأنا بحي السفارات
اقتباس:
تحياتي لمرورك الراآئع |
رد: موقف حصلي وأنا بحي السفارات
صح لسانك ياولد عمي وشاعر ما فيك كلام وفال البيرق
بس عاد كل شي ولا زومااا ما نفعنا برياض غير هي ياما وقفت وقفات تهز شوارع الرياض من خريص الى الامام مع الدايري تحياتي لك |
رد: موقف حصلي وأنا بحي السفارات
شكرا لك يافزاع على المحاولة وابعد بعيد عن الرنج صدامه الخلفي ابو كت ب 7000 الاف واصطبه الخلفي ب 1500 انا اخلي مسافه بيني وبينه واسال مجرب ومثل ماقلك العميري رديك ولا جيد العربان وانا ايام الاوبل كنت كاتب على قزازها ( اوبل مزيونه ولا لكزس مديونه) وبجده كانت غريبه نوعاً ما لندرتها وكانت فراملها مشي حالك كنت ابعد عن شارع التحليه وطريق الاندلس . |
رد: موقف حصلي وأنا بحي السفارات
اقتباس:
الله يسلمك ياابن غازي والمازدا 5 سنين ويلاآآت هههههههههه تحياتي لمرورك |
رد: موقف حصلي وأنا بحي السفارات
اقتباس:
دوم السرور اختي شقائق وتقديري لمرورك الرائع |
رد: موقف حصلي وأنا بحي السفارات
اقتباس:
تفحيط <<ههه اللي عندي تاعت كلو تحياتي ابوو فارس ع المرور |
| الساعة الآن 05:08 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL