|
بركان شعري .. ما هدى وخايف مع المُده يثور !
http://el9ane3.jeeran.com/photos/339893_l.jpg : يا ( سيِّدة شعري ) أنا .. قومي إرقصي بين السطور في داخلي شوق / وعذر .. والله يعين المبتلي ..! زعلانه مني ! وتنهدم فيني ملايين القصور لأنك طموحي .. ورغبتي .. وتخطيطي لـ مستقبلي ! " بركان " شعري .. ما هدى وخايف مع المُده يثور ! في غيبتك .. شفتي الشعر وشلون فيني ينغلي ؟ زعلانه أدري .. وضيقتك في داخلك أربع شهور ! وتأكدي إنَّ إزْعَلِك .. هو يُعتَبَر نفس إزعَلي يا زهرةٍ وسط العمر مو مثلَهَا , باقي الزهور يطاوعك قلبك كذا ؟ - عن زارعك ما تسألي ! ما كني إلا لك سما .. وفي هـ الفضا إنتي طيور ! يعني وجودك زينتي .. ولزوم فيني [ تمتلي ] ..! من يوم ما غبتي وأنا : ضايع بلا قلب وشعور ! تايه ولا عندي أمل .. في آخري وفي أولي يا أطهر اللي قابَلَت عيني على مر العصور تعالي عندي وإسكني فيني .. كفى لا ترحلي ! يرضيك أقابل هـ البحر وأرمي من الضيقه صخور ؟ وأذكر سوالفنا بـ وَلَه .. وش قلتلك / وش قلتِلي ! في غيبتك حالي تَعَب ..وصرت ما أحب الظهور ما غير أتمتم في نِدَم : يا وَيْلَ لي يا وَيْلَ لي ! إيه أعترف خنتك , ولكني رغم هذا غيور أرفض تخونيني .. وأدري فيك ما ترضي علي ! شاعر .. وأكتب ما أبي وأقولها في كل غرور إنك تحبيني غصب وسِمْعي الكلام اللي يلي : كان القصايد مطلبك ؟ وهي اللي بتحل الأمور بكتب قصيده أحلى من .. " صَوتُ صفير البُلبُلي " الشاعر / أحمد الصانع |
رد: بركان شعري .. ما هدى وخايف مع المُده يثور !
من يوم ما غبتي وأنا : ضايع بلا قلب وشعور ! تايه ولا عندي أمل .. في آخري وفي أولي صح ذوقك ابو بتال على القصيده الموجعه < لشخص غاب عن من يعشقه بجنوووون انتقاء ولا اروع ... دمت بود.. |
رد: بركان شعري .. ما هدى وخايف مع المُده يثور !
يعجز قلمي عن التعبير عن هذا النص الرائع
شكرا لا تحرمنا من جديدك |
رد: بركان شعري .. ما هدى وخايف مع المُده يثور !
اقتباس:
هلا وغلا بالغالي منور دائماً |
رد: بركان شعري .. ما هدى وخايف مع المُده يثور !
روووووووووووووعه
لشاآأإأعر رائع تسلم يالذيب |
| الساعة الآن 10:48 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL