الشبكة العامة لقبائل الحويطات - المنبر الاعلامي و المرجع الرسمي المعتمد

- منتدى المنقولات الأدبية (https://www.alhowaitat.net/forumdisplay.php?f=19)

- - قطـرات حبيــسه بصمـــت (https://www.alhowaitat.net/showthread.php?t=45721)

قطـرات حبيــسه بصمـــت

آيــأم راحــت بـي علـى خيــر

مــرت علـى عمـري مــرور الثــوانـي

أيــام كــانت غيـر.. في ذمتــي غيــر

أحيــت يـبــاس عـروق ذيــك المحــاني

قبــل الـوداع.. قبـل طــوي المـشــاويـر

مـاكنــت احـس بقيمــته لــو جفــانـي

يــوم افتــرقنــا.. والحــزن جــاني غيــر

عــرفــت وش معنــى ضيــاع الآمــاني

مـاعـاد لـك ياحــزن..حــشمــه وتقـديـر

من يـوم جيـت وجبت لي جــرح ثــاني

ومـا عـاد بيـدي شـي.. دام المقــاديـر

وفـت وعـدهـا.. وسلبتنـي زمــاني

سيــلت بفـراقهـا دمــوع المعـــاذيـر

حتــى خشــع مـوج الغـلا للمــواني

ومـديت للقيــا كفــوف التبــاشيــر

ومــدت لي الفـرقـاء كفـوف التهــاني

ودي افضفض بس ويـن التعــابيــر.!

ودي اعبــر بس ويـن المعــاني..!

حــاولت ابـرر صمتــي اللـي غشــاني

وعجــزت أبـرر صمتـي اللـي غشــاني

ياصمتـي اللـي مالقــا له تفــاسيـر

ليــت الذي وداه.. يمــه خــذاني

ياحيـله الله وش بقــا..!وش يبـي يصيـر

دام المكـان اليــوم مـاهو مكــانــي

الغيــت من بعـده جميــع المحــاديـر

وارخـصـت عمــري دام هالعمــر فـاني

بعــده..تراهــا تهـون كـل المحــاسيـر

يعنــي وش اكبــر من خســاره كيــاني..!

لوقـلت مـال لبعــده اليــوم..تــأثير

لكــن تركــت لهـا هالقصيــده علــى خيـر

يمكـن تحــس بضيقتــي..لاقــراني