الشبكة العامة لقبائل الحويطات - المنبر الاعلامي و المرجع الرسمي المعتمد

- منتدى الخواطر الأدبية و النثر (https://www.alhowaitat.net/forumdisplay.php?f=344)

- - أبكت من لا يبكي.. (https://www.alhowaitat.net/showthread.php?t=46829)

أبكت من لا يبكي..

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني ..
اتمنى تعجبكم

رد: أبكت من لا يبكي..

حياك الله يا اخى على عملك الرئع

رد: أبكت من لا يبكي..

اخوووي يوسف اشكرك على القصيييييده الراائعه
ياودود ياكريم ياجبار السموات والارض ياهادي القلوب اهدي قلبه
يامغيث اغثه-يامغيث اغثه - يامغيث اغثه
اللهم لاتزين له عمل السوء اللهم ذكره دائما بأن الدنيا زائله فأصرف عنه زينتها اللهم ارحمه
فمن له اله غيرك ؟
من يرحمه غيرك ؟
من يستر عليه غيرك؟
من يرزقه غيرك؟
من يصبره على هذه الدنيا غيرك ؟
اللهم لك الحمد اللهم خذ روحه وهو ساجد بين يديك وقلبه ينبض بخشيتك وذكرك اللهم احسن خاتمته
اللهم اعنه على طاعتك اللهم انه يعلم انك تحبه لانه عبدك المسكين الذي لايوجد له احد سواك في كل وقت اللهم ابكه من خشيتك اللهم اعنه اللهم اغثه
اللهم انك تعلم مابحياته كلها الظاهر والبااطن مايعلمه وما انت اعلم به منه اللهم خذ بيده الى الهدايه واستر عليه وعلى جميع المسلمين
الحمدلله الحمدلله الحمدلله
كثيرا طيبا مباركا كما ينبغي لجلال وجهك وعظيم سلطاانك
اتمنى من كل اللي يقرا هالدعااء لايبخل بقول "آآآآمين"
الغناميه