الشبكة العامة لقبائل الحويطات - المنبر الاعلامي و المرجع الرسمي المعتمد - شفٍافً واحٍروًفي مٍن الًروٍح للًرٍوح ]..~

- منتدى المنقولات الأدبية (https://www.alhowaitat.net/forumdisplay.php?f=19)

- - شفٍافً واحٍروًفي مٍن الًروٍح للًرٍوح ]..~ (https://www.alhowaitat.net/showthread.php?t=46965)

شفٍافً واحٍروًفي مٍن الًروٍح للًرٍوح ]..~

{..
آلًسٌٍلآٍمٌ عليكم
صباحكم / مسائكم الورد والجوري وزهر الياسمين

قصيدة راقت لي لما تحمله من احساسيس عذبه جميله اتمنى ان تروق لكم

----------❀--✿--❀--

http://alajman.net/up/uploads/c215175bc1.jpg

شفّاف واحروفي من الروح للـروح
.................عفوي ولا حب التصنّع مـع النـاس
فقير ما عندي عمـارات واصـروح
.................لكنّي اغنى هالبشر قلب واحسـاس
وشلون تنساني مع الناس واتـروح
.................وانت النفس للروح وانفاس الانفاس
ياغايب ارجع غيبتك جابت اجـروح
.................عجزت اعالجهن وانا انسان حسّاس
ادناهن بوسـط المعاليـج وايفـوح
.................فوح الدلال اللي على النـار جـلاس
ما يكفي انك دون هالنـاس مملـوح
.................لازم تحس بعروق الاشواق يبّـاس
تعبت احاول بك ولا فيـك مصلـوح
.................ازرع تعب قلبي معك واحصد الياس
ما يجرح اقلوب المخاليق مجـروح
.................،، لنّه مشى في عالم الجرح واحتاس
ادري تبي ترحل ولا هـزك البـوح
.................وادري تبي تبقى مع البال هوجـاس
واذا رحلت و ردّك الوقت مسمـوح
.................انسى وتذكرني ترى الناس للنـاس