الشبكة العامة لقبائل الحويطات - المنبر الاعلامي و المرجع الرسمي المعتمد

- ضيفنا الشاعر الكبير / عناد الرواد (https://www.alhowaitat.net/forumdisplay.php?f=352)

- - الحب برى العايله (https://www.alhowaitat.net/showthread.php?t=48103)

الحب برى العايله

مو مشكله لا تاق قلبك للقريب
المشكله لا تاق برى العايله

اكل العنب ماهو مثل اكل الزبيب
ويفرق عن الحصرم على دوايله

حبي انا لو اقنعك ما هو عجيب
موجود فعلا بس ماني طايله

قريب واقرب لي من احبال الجليب
بعيد لو اني امد ارشاي له

حب الاميره مثل شعر السبيب
اما انقطع ولى يجيب النايله

وحب الفقيره مثل وجه الغريب
وجهه معه يا مار همه شايله

يمطوع ابريده متى ودك تجيب
يا شيخ افتي امر دنيا زايله

حتى الصحيب اللي يسمونه صحيب
مرات ينسى بالخوي جمايله

اللي يقول الحب هو حظ ونصيب
كذاب يحلم بالنجوم القايله

حب ٍ يغنيني بصوت العندليب
وحب ٍ يعطّشني ويا ظماي له

وحب ٍ ادوره في وجيه ٍ ما تغيب
وحب ٍ غيابه تذبحك رسايله

ويلي انا ويلاه بالحب الصعيب
جسم الظبي وامعكرش ٍ جدايله

يا هل ترى فعلا ً بعد هذا اطيب؟
والزعفران امقنّد ٍ في وايله

قولوا له انّه جدول اعمالي كئيب
أمّة إله الا الله المتفايله

اني ابيع المي في حارة رويب
يا ويش ابيع ابحارة السقّا يله

لو نلتقي مره قبل شمس المغيب
مناه والله يا هلي وامناي له

رد: الحب برى العايله

وحب ٍ ادوره في وجيه ٍ ما تغيب
وحب ٍ غيابه تذبحك رسايله

محمد فياض
صح لسانك مرارا وتكرارا
تعودنا على الجزاله هنــــــاء
ولا يكتب الجزلات غير الجزالا
كلمات درر
ماقول غير الله يعطيك العافيه
وننتضر جديد قلمك

{تحيتي وتقديري لك}

رد: الحب برى العايله

صح لسانك ياعناد

قولوا له انّه جدول اعمالي كئيب
أمّة إله الا الله المتفايله

هنا ياعناد استفهام على المعنى

واجبرك الوزن حلى حذف كلمة لا وهذا نقص بالمعنى

واصبحت امة اله الا الله المتفايله

وامة اله غير الله ليست متفايله هذا من منظوري الخاص واعذرني يامبدعنااا

تحياتي لك

رد: الحب برى العايله

مطلق لا هنت ملاحظتك جميله وفي محلها للذي يقرا باللفظ على ان غالبية الشعراء يقرأون للمعنى وانما الاعمال بالنيات

ثم ان اصل الاستثناء في لا اله الا الله استثناء نفي بتوكيد وانا اثبت بغير نفي وربما الاخرين يفهمونها كما فهمت