الشبكة العامة لقبائل الحويطات - المنبر الاعلامي و المرجع الرسمي المعتمد

- منتدى المنقولات الأدبية (https://www.alhowaitat.net/forumdisplay.php?f=19)

- - شمس الضحى (https://www.alhowaitat.net/showthread.php?t=48470)

شمس الضحى

ياسعود لا تنشد ترى ماني مجـيب
خل الذي خافي له شهور خــافي
.. ..
ان شفتني مغتاظ لي حق ومصــيب
ياسعود مزعلني جديد اكتشـافي
.. ..
الغالي اللي كان من قلبي قريب
بيني وبينه صار مثل التجـافي
.. ..
ان قلت زله مثلنا زلته عـــيب
من قال لك شمس الضحى ماتشافي
.. ..
ان قلت هقوه يمكن اتصيب وتخيب
كم لي سنه ماشفت فيه اختـلافي
.. ..
وان صار في نفسه بعض شكه وريب
حتى البحر ماهو على طول صافي
.. ..
صرنا من الصده سوات المصـاويب
كلن نقل جرحه وقال متعـــافي
.. ..
اصعب فراق فراق عكف الاشانــيب
ماهو مفارق لابسات الغـــدافي
.. ..
والذيب لامنه عوى جاوبـــهـ ذيب
والعلم حامض بس وين الاشــافي
.. ..
دامه لقى له غير قلبي معـازيب
الله يسمح درب هاك السنــافي
.. ..
يروح لايرجي رسول ومكـــــاتيب
هو خابر اني ماتلفت خــــلافي
.. ..
واللي تعلى فوق روس المراقـيب
اكيد ماتسفي عليه الســـوافي
.. ..
رح بشر اللي شال شلفى تريحـيب
قله تراها كلبوها عـــــوافي
.. ..
اليوم نفسي طابت وباكر يطــيب
جرحي لو انه من يدين المشافي
.. ..
خلصت والدنيا دروس وتجـــاريب
سجل يابو عبد العزيز اعترافي
.. .. .. ..

رد: شمس الضحى

وان صار في نفسه بعض شكه وريب
حتى البحر ماهو على طول صافي

منقوووول جميل شكرا ايها الافق.

رد: شمس الضحى

قصيده جميله
شكرا لك
الأخ الأفق
تقبل تحياتي

رد: شمس الضحى

اليوم نفسي طابت وباكر يطــيب
جرحي لو انه من يدين المشافي
.. ..
خلصت والدنيا دروس وتجـــاريب
سجل يابو عبد العزيز اعترافي
.. .. .. ..

كلمات رائعة المعاني ,,,
منقول مميَز ,, شكراً لك أخي ,, الأفق ,,

رد: شمس الضحى

صح لسان قايلها
قصيده رائعه ومميزه
شكراً لك الافق على الاختيار

رد: شمس الضحى

الدرة
حسين ابوتايه
زهرة المدائن
عائض الحويطي
من القلب شكرا على طيب وجمال الحضور