الشبكة العامة لقبائل الحويطات - المنبر الاعلامي و المرجع الرسمي المعتمد - مرور الكرام وبيحت خافيات الجوف = وراحت وهي بالعين تزهاء كما الدره

- منتدى شعراء شبكة الحويطات (https://www.alhowaitat.net/forumdisplay.php?f=92)

مرور الكرام وبيحت خافيات الجوف = وراحت وهي بالعين تزهاء كما الدره

مرور الكرام

مرور الكرام وبيحت خافيات الجوف
= وراحت وهي بالعين تزها كما الدّره

عقاب القصص يقولو اهل المعرفه شوف
= وانا لي ثلاث ايام وانا اتبع الجــره

تبعت المقفي واحسب ان التعب مخلوف
= ولاشفت لاذره والا اكبر من الـــذره

اخمـّن واسوّف واتحرى نتايج سوف
= اثـر سوف ماتنفع ذا لايام بالمـــره

اسدد واقارب وستر العارض المكشوف
= واللمّ الحرام اللي على الصدر وازره

ولا ودي اذيع الخبر وافتح المظروف
= اسـد الذرايع والضرير اتقـي شــــره

واحاكم قضيه بيننا ذنبها منصوف
= علي نصف والباقي على اللي علي جره

ولاني موضح من حلاياه بالموصوف
= يعيش الرجل ويموت ماضيه في سره

وانا لو لقيت الذاهبه مقصدي معروف
= عفيـف النوايا والطلب كنّها حـــره

وريحانة قدامنا وردها مقطوف
= لها اريـج طيـّب والبلى طعمها مـــره

وانا من بعدها ياعرب ناظري مكفوف
= اغظ النظر منشان متعود هالكره

وتشمت علي اصدور شيطانها ملهوف
= صدورٍ من الحوم المخاليق مزوره

رد: مرور الكرام وبيحت خافيت الجوف = وراحت وهي بالعين تزهاء كما الدره

حياك الله أخوي الشاعر الراقي عيد بن قيضي
صح لسانك ولاهنت
سلمت على هذه الرائعة
الله يوفقك ويسعدقلبك
نترقب قادمك

إحترامي