|
مـــرور الكـــــرام
مرور الكرام مرور الكرام وبيحت خافيت الجـوف = وراحت وهي بالعين تزها كما الـدّره عقاب القصص يقولو اهل المعرفه شوف = وانا لي ثلاث ايام وانا اتبع الجره تبعت المقفي واحسب ان التعب مخلوف= ولاشفت لاذره والا اكبر من الـــذره اخمـّن واسوّف واتحرى نتايج سـوف = اثـر سوف ما تنفع ذا لايـام بالمـــره اسدد واقارب وستر العارض المكشوف = والم الحرام اللي على الصدر وازره ولا ودي اذيع الخبر وافتح المظروف = اسـد الذرايع والضرير اتقـي شــــره واحاكم قضيه بيننا ذنبها منصوف = علي نصف والباقي على اللي علي جره ولاني موضح من حلاياه بالموصوف = يعيش الرجل ويموت ماضيه في سره وانا لو لقيت الذاهبه مقصدي معروف = عفيـف النـوايا والطلب كنّها حــــره وريحانــة قدامنا وردها مقطــــوف = لها اريـج طيـّب والبلى طعمها مـــره وانا من بعها ياعرب ناظري مكفوف = اغـظ النظـر منشان متعود هالكـــره وتشمت علي اصدور شيطانها ملهوف = صدورٍ من الحوم المخاليق مزوره |
رد: مـــرور الكـــــرام
ولاني موضح من حلاياه بالموصوف = يعيش الرجل ويموت ماضيه في سره صح لسانك على هالابيات الرائعه |
رد: مـــرور الكـــــرام
صح لسان شاعرنا الرائع
لك تحياتي |
رد: مـــرور الكـــــرام
صح لسانك يابن قيضي على هذه الأبيات الرائعه واللتي يحتار
بها من يريد الأقتباس لأنها جميعا بيت قصيده صح لسانك مره أخرى وتقبل تحياتي |
رد: مـــرور الكـــــرام
صح لسانك
وجزله وتحاياتنا العميقه |
رد: مـــرور الكـــــرام
صح لسانك وأحساسك
تقبل مروري واعجابي بقافيتك |
رد: مـــرور الكـــــرام
شاعرنا المميز
صح لسانك كل عام وانت بالف خير |
| الساعة الآن 12:06 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL