الشبكة العامة لقبائل الحويطات - المنبر الاعلامي و المرجع الرسمي المعتمد

يامل قلب ضيـق الصبـر بالـه\ روابع قامـت تخمـه و تخطيـه

متحير فـي مقعـده وش جرالـه\ ما يسمع الداعي لو انـه يناديـه

له وقت ما هو عارف راس ماله\ طول عليه الصبر واخلف طواريه

مثل الغريب اللي مضيع عزالـه\ في عزلـة والمـا بعيـد مناديـه

ضيع معاميلـه وضيـع نعالـه\ له رب عارف انه ماهـو يخليـه

يابيت نومي فيـك كلـه جمالـه\ عقب الحبيب اللي يقر النظر فيـه

عقب الحبيب اللي حسيـن سؤالـه\ الذ من ذوب العسل مـن مجانيـه

لولا تقول النـاس خلـى عيالـه \لا اشوف لي مسكان برا و اخليه

يابيت ماهـو كـذب والا حيالـه\ هذي سوات اللي فقد زول غاليـه

وجدي عليه وجد راعـي محالـه\ خربت وزرعه حامي القيض قافيه

او وجد من خلو طريقـه عيالـه \عـود مسـن ويابسـات تراقيـه

الياهـرج قالـو تزايـد هبـالـه\ و اليا سكت قلو عسى الله يهديـه

يصبر لو شاف العايه في حلالـه\ والصبر مثل الصبر ما نيب قاويه

وصلاه ربي عد منشـاى خيالـه\ واعداد ماجانا المطر من مناشيـه

على نبـي الله عزيـز الجلالـه\ اللي نهار الحشر يعتـز راجيـه

رحم الله الشاعر رشيد المطرفي البلوي