ياطير
 

ياطير لاتنشد عن الحال ياطير
شايب وتو العمر فاول شبابه .
. اكتب صباح الخير ولامساالخير
صبحي وليلي في عيوني تشابه .
. اكتب عن الكذاب راع الاساطير
عن السؤال الّي يدور جوابه .
. مالقيت له ياصاحبي أي تفسير
غامض يشوبه مع غموضه غرابه .
. يابوي ياجبرالعظام المكاسير
ماني من الّي يدورون النشابه .
. ماني من الّي يعشقون التصاوير
تحب الظهورولا يجيبون ثابه .
. ولاني من الّي يدهن السير ويسير
ولاعزف على المقفي لحون الربابه .
. ولاني بلابس ثوب من غير ازارير
يلّي تدور للنشايب طلابه .
. ماتدري إني ياكثيرالمخاسير
من ضاري قبل اقراحروف الكتابه .
. ماداست اقدامي دروب المحاذير
ولساني حصاني وصدري رحابه .
. واني من رجالٍ تقود الطوابير
الّي على الهنه لراسي عصابه .
. يادارياروس الرجال المناعير
يادارعماني شباب وشيابه .
. عماني الّي للصعايب تدابير
تاطى على الهين وترقى صعابه .
. ويابيتنا بالعزعمره تعمير
يوم الزمن شاحب وضميا شعابه .
. ابوي يومن الليالي معاسير
شيده وجهز مجلسه واتكابه .
. بالهيل والصفرا وعود المباخير
بيت الشرف والطيب طيبه زهابه .
. ياخوي ياشوق العفاف الغنادير
ياطب من همه على حرمابه .
. يااحمدليانامت عيون المساهير
على امل بكره يجي من غيابه .
. من عدنا رياله نعده دنانير
ومن لاحسبنا ماضربنا حسابه .
. بكره ليادارت علينا الدواوير
وليا تعاوت فالصدور الذيابه .
. كلن يدور للخطيه معاذير
الموت ياغافل لجله وكتابه .
. يابو فهد والناس وردومصادير
على الذنوب تحوم حوم الذبابه .
. الذنب للّي جنبته المقادير
عيوبه الّي ساترتها ثيابه .
. يابو فهدمالي جناحين واطير
مجردبشريرجي من الله ثوابه .
. اخوك يابندرضلوعه قوارير
تكسرت من ضيق صدري التوابه .
. راحت حياتي ياحزامي مشاوير
فليلن سرى وليلن بقالي عذابه .
. باسباب طعنه جاتني دون تبرير
وطعون غيره كلبوها تشابه .

رد: ياطير
 

أنتقـــاء رائــــع

على القوه

تقبـــل مـــروري

رد: ياطير
 

الأخ أنتضرتك سنين
الأروع مرورك ياغالي
لك كل الموده والأحترام

رد: ياطير
 

رد: ياطير
 

الأخت زرقاء اليمامه
مرورك هو الأروع والأجمل وقد أخترتي أجمل
مافي القصيده من أبيات وهذا دليل على أحساسك
الرائع . تحياتي لك

رد: ياطير
 

كم آسعدني المكوث على جنبات متصفحك
آرتويت من نبع حروفك الصادقه
ب آنتظـآإر جديدك الشيق
دمت براحة بـآإآل

رد: ياطير
 

ابوي يومن الليالي معاسير
شيده وجهز مجلسه واتكابه .
. بالهيل والصفرا وعود المباخير
بيت الشرف والطيب طيبه زهابه .
.
ابيات جميلة فيها بعض الحكم والصور الشعرية الرائعة



لك التحية

رد: ياطير
 

رد: ياطير
 

ياهلا بالغالين
الأخوه الأعزااء
الأخت يداعبها الخجل
والأخ العزيز حسن علي الفحيماني
والأخ الغالي ذيب الشوامين
لكم جميعا أجمل التحيات والتقدير
وشكرا

رد: ياطير
 

الراقص مع الذئاب
سلمت يمينك على هذا النص الرائع الفائض بالمشاعر

دمت مبدعا

رد: ياطير
 

الله يسعد قلبك ويسلمك يامشرفنا الرائع
أبوعواد وأنت صاحب المواضيع الرائعه
والجميله والأخبار وصاحب نشاط تستحق
الأحترام والتقدير . شكرا لك من القلب
يالغالي أبوعواد