الشبكة العامة لقبائل الحويطات - المنبر الاعلامي و المرجع الرسمي المعتمد

الشبكة العامة لقبائل الحويطات - المنبر الاعلامي و المرجع الرسمي المعتمد (https://www.alhowaitat.net/index.php)
-   منتدى المنقولات الأدبية (https://www.alhowaitat.net/forumdisplay.php?f=19)
-   -   يـــاوجــــــــدي اليا طـــرفت شمــــــس العصيــــــر.! (https://www.alhowaitat.net/showthread.php?t=52359)

حويطي الشمال 02-01-12 06:38 PM
يـــاوجــــــــدي اليا طـــرفت شمــــــس العصيــــــر.!
 
ياوجدي اليا طرفت شمـس العصيـر
واقبل دجى الليل وطرالي مـا طـرى

وودعت ضوح النور الاول والاخيـر
وامسيت متضايق ولا احد(ن) بي درى

وسرتني همومـن رحاهـا تستديـر
ونامت عباد الله وانـا ليلـي سـرى

وذكرت من له فالحشى قدر(ن) كبيـر
وهبـت انسامـه بمسـك وعنبـرى

غرون عليه يقودنـي سلـك الحريـر
وانساق لـه لاحـل طريـاه جهـرى

له داخلي رضٍ يفوح ابها العبير
سماه غايم جوها ورضه مرى

وله من صدوق الود مالله به خبير
بموت ماجاله شراكى وخشرى

لوسلموني خزنة المليار دير
هذاك مقبل فيه بيع ومشترى

هذاك لاشفته دريت اني بخير
وليا فقدته صرت مسمع ماارى

ياليت للفرقى قبل تاتي نذير
حتى اني اخذ حذري من اللي جرى

العنااا والذل والشر الشرير
فرقاً صداها نهايته ياهل ترى

ولامر من فرقى العشير من العشر
الا الممات اللي يعد ويذكرى

كوتني الفرقى على الضلع القصير
واظني ببطي وجرحي مابرى

من طولت البال والصبر الكثير
معاد باقيلي لا ظل ولا ذرى

حاولت اسيرها وعيت لا تسير
ادفها قدام وتعود ورى

لا تنشدوني ليه ذاك الترف غير
اللي سرى حبه مع الدم وجرى

سر وبيبقى السر هذا وسط بير
دام الثريه باقيه فوق الثرى

الــراقي 02-01-12 06:50 PM
رد: يـــاوجــــــــدي اليا طـــرفت شمــــــس العصيــــــر.!
 
صح لسان من قالها
وتسلم ايدك يابو عابد
ابيات جميله رآآقت لي

حويطي الشمال 03-01-12 02:00 AM
رد: يـــاوجــــــــدي اليا طـــرفت شمــــــس العصيــــــر.!
 
اقتباس:
المشاركة الأصلية كتبت بواسطة الــراقي (المشاركة 472996)
صح لسان من قالها
وتسلم ايدك يابو عابد
ابيات جميله رآآقت لي
الله يسلمك من كل شر ابو حميد...اشكر وجودك الراقي

ذيب الشوامين 03-01-12 02:03 AM
رد: يـــاوجــــــــدي اليا طـــرفت شمــــــس العصيــــــر.!
 
[align=justify]
الله الله ..
ذوووق قليلة في حقك ابو عابد ..
على القوة يا غالي ..
دمت بأسعد حال ..











الذيب
[/align]

أنتظرتك سنين 03-01-12 04:42 AM
رد: يـــاوجــــــــدي اليا طـــرفت شمــــــس العصيــــــر.!
 
ياوجدي اليا طرفت شمـس العصيـر
واقبل دجى الليل وطرالي مـا طـرى

وودعت ضوح النور الاول والاخيـر
وامسيت متضايق ولا احد(ن) بي درى


أنتقاء رائـــع أخوي

على القوه

تحياتي لــك

زرقاء اليمامة 03-01-12 06:16 AM
رد: يـــاوجــــــــدي اليا طـــرفت شمــــــس العصيــــــر.!
 
كلمات جميله ومعنى رائعه
سلمت الاخ الكريم حويطى الشمال على هذه المعزوفه الجميله
تقبل مرورى
دمت بخير

حويطي الشمال 04-01-12 03:35 AM
رد: يـــاوجــــــــدي اليا طـــرفت شمــــــس العصيــــــر.!
 
ذيب الشوامين
&
انتظرتك سنين
&
زرقاء اليمامه

كل الشكر لوجودكم الرائع
دمتم بخير

عايض الحويطي 04-01-12 07:15 PM
رد: يـــاوجــــــــدي اليا طـــرفت شمــــــس العصيــــــر.!
 
صح لسان قايلها
قصيده مميزه وطاروق رائع
وشكرا لك حويطي الشمال على حسن الاختيار

حويطي الشمال 06-01-12 12:56 AM
رد: يـــاوجــــــــدي اليا طـــرفت شمــــــس العصيــــــر.!
 
صح بدنك اخوي عايض.. شاكر تواجدك الجميل

عاشق الادب 09-01-12 09:48 AM
رد: يـــاوجــــــــدي اليا طـــرفت شمــــــس العصيــــــر.!
 
سر وبيبقى السر هذا وسط بير
دام الثريه باقيه فوق الثرى
يعطيك العافية اوعابد دائما ممتع فيما تطرح

حويطي الشمال 14-01-12 05:47 AM
رد: يـــاوجــــــــدي اليا طـــرفت شمــــــس العصيــــــر.!
 
الله يعافيك اخوي عاشق الادب ..اشكر تواجدك الجميل


الساعة الآن 12:43 PM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir

إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL