|
للناس بين الناس سلم وعلاقات
للناس بين الناس سلـم وعلاقـات وكلٍ حسب سلمه وكسب احترامه رغم اختلاف المُعتقد والحضارات ورغم الزمان ودورته وازدحامـه ياللي تراجع ما مضى لك وما فات يالله عساك من الشقـى للسلامـه ما فات فات ولا تسوق الحسافات عليـه لـو قلبـك تزايـد هيامـه ولا تعدّه الا ميتٍ ضمن الامـوات تحت النصايب ناخراتٍ عظامـه ما تدري ان اوقت له عشر دورات والادمـي لازم يسايـر نظـامـه لو يدرس افكاره بشتّى الدراسـات ويطوّر اسلوبـه ومنطـق كلامـه ولو يفتهم كيف العصور القديمـات مـا يستفيـد ولا يفيـد افتهامـه حكم القدر ردّه من المستحيـلات ولا على الدنيـا عتـاب وملامـه وكنز القناعه من بغى لربحه ثبات ينشد من اهل الدين راعي عمامه حتـى يتوكّـد بالادلـه والايـات ويفرق حلال المشتبه من حرامـه والحق بيّن.. غير دونه متاهـات يضيع فيها اللي عجز عن مرامـه ويجتازها راع العـزوم القويـات بالصبر والحنكه وزود احتزامـه ولكل مُجتهْد امنيـات وطموحـات واللي يبي التقديـر يرفـع مقامـه واللي رضى بالهيّنـات القليـلات لايطمع بتاج الشـرف والزعامـه هذي على ما قيل بعض القناعات وضحتها عن شرهتـك والملامـه والا انت وينك وين يا طيب الذات توك على موج البحر وارتطامـه مثلك له اوقاته على كيف ما جات بين الحرير وبين ريـش النعامـه تسرح وتمرح بالهنـا والملـذات وتنام قبـل الليـل ياتـي ظلامـه في ظل قصرٍ من كبار البنايـات فوقـك ثرياتـه وتحتـك رخامـه تامر وتنهـى واتمتـع بخدمـات غير الرصيد وماركـات الفخامـه ومن الدلع تاكل حـلاوه وكتكـات وغيرك على جوعه يكمّل اصيامه يا سيد تلعات الرقاب الحسينـات مبطي وانا دون الخطـا واتّهامـه قم واستبيح الذنب فيني بنظـرات وسلهم عسى من لبّسـوك اللثامـه يبلاهـم الله بالاثـم والخطـيّـات والله يبيحـك ليـن يـوم القيامـه لا تعتذر عمّا حصل لي.. سهالات والجرح ذكرى للغـرام وعلامـه مادام طعناتك على القلب بسكـات منّك عساها ما تجينـي السلامـه والحظ دامني معك حي ما مـات وان رحت ما والله تجيك الملامـه واسلم.. ومنّي لك جزيل التحيـات واعذر وليفك كان طـوّل كلامـه صح لسان قايلها |
رد: للناس بين الناس سلم وعلاقات
بارك الله فيك وفي قلمك .. جزاك الله خير الجزاء .. الله يعطيك العافية ويوفقك .. تقبل خالص الشكروالتقدير والاحترام .. د. السيد عبد الله سالم |
رد: للناس بين الناس سلم وعلاقات
صح لسان قايلها وسلمت يمين ناقلها موفق اخى الغالي لك التحية والتقدير الشهاب |
رد: للناس بين الناس سلم وعلاقات
[align=justify]
صح لسان شاعرها .. وتسلم يا ذوووق على الاختيار الموفق .. على القوة ... الذيب [/align] |
رد: للناس بين الناس سلم وعلاقات
تسلم الايادى
على الاختيار المميز |
رد: للناس بين الناس سلم وعلاقات
صح لسان قايلها ولاهان ناقلها
الله يعطيك العافيه |
رد: للناس بين الناس سلم وعلاقات
حكم القدر ردّه من المستحيـلات=ولا على الدنيـا عتـاب وملامـه
صح لسان الشعر مشكور ياعايض |
رد: للناس بين الناس سلم وعلاقات
كلمات جميلة تقبل تحياتي وتقبل مروري د. السيد عبد الله سالم |
رد: للناس بين الناس سلم وعلاقات
اقتباس:
|
رد: للناس بين الناس سلم وعلاقات
اقتباس:
|
رد: للناس بين الناس سلم وعلاقات
اقتباس:
|
رد: للناس بين الناس سلم وعلاقات
اقتباس:
|
رد: للناس بين الناس سلم وعلاقات
اقتباس:
|
رد: للناس بين الناس سلم وعلاقات
اقتباس:
تحياتي |
| الساعة الآن 10:24 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL