|
قصائد منوعه كتبت من ذهب
السلام عليكم ورحمة الله وبركاته،، هناك أبيات تميزت بملامستها لأعماق الناس وقربها من همومهم وقضاياهم حيث جاءت بأسلوب مطابق لما يريدون التعبير عنه فظلت عالقة في الأذهان والعقول وحفظها الناس وتناقلوها حتى يومنا هذا لتضرب بها الأمثال في الأحداث والمناسبات المشابهة، ومما قيل في الحكمة والنصح والارشاد هذه الدرر الثمينة من المقتطفات الشعرية: أحفظ دبشك اللي عن الناس مغنيك اللي الى بان الخلل فيـك يرفـاك وأعرف ترى مكة والاها ابناخيـك لو تطلبه خمسة ملاليم ما أعطاك والحر مثلك يستحي يصحب الديـك وإن صاحبه عاعا معاعات الأدياك بركات الشريف ليا عاد ما للرجّال رأيٍ يدله يأخذ من أشوار الرجال دليل الشريف جري الجنوبي من عوّد العين المنـام تعـوّدت ومن عوّد العين المساري تعاود ومن عوّد الصبيان أكـل بيتـه عاودوه في عسر الليالي الشدايد راشد الخلاوي النوم رأس اللوم بان الردى بـه واللي يبي الطولات نومه شلافيح الذيب ما يرقـد ورزقـه نهابـه يدوّر الغرات عنـد المصاليـح واللي يبا الطولات يتعب ركابـه والعز بأكوار النضا ياهل الفيـح مريبد العدواني فتـى بـلا عـزم حياتـه مذلـة والعزم لقلـوب الرجـال طبيـب من لا صبر بالعسر ما ذاق يسرها وباب الفرج للصابريـن قريـب محمد الأحمد السديري مقام الفتى في منصب العز ساعة ولا ألف عام يصحب الذل صاحبه راشد الخلاوي المراجـل مـا تهيّـا هالسّويـا كود من عض النواجذ في سنونه عبدالله القريفة الظفر ساعه وإن حلّ ماجوبه والمراجل لها حزّات ورجالي ضيدان العارضي الحمّـرة تـدرك معوشـة عيالهـا وألا الرجل يبغى منه بعض الأحوال خلف أبو زويد الشمري ليا صار ما توفي عميلك من الصاع ما ينقعد لك عند حصـن النواهيـم شبرٍ من البيداء يعوّضك بالافـزاع وسود الليالي يبعدنّك عـن الضيـم سعدون العواجي من لا يديس الرأي من قبل ما ديس عليـه داسـوه العيـال القرومـي ومن لا يقلّط شذرة السيف والكيس يبدي عليه مـن الليالـي ثلومـي والقصر ما يصلح على غير تسييس ومن لا تعلم مـا تفيـد العلومـي تركي بن حميد الناس ما تسقيك لا صرت عطشـان ولا يشرب المضمي سوا من ذراعه أضرب على الكايد ليا صرت بلشان وعند الولي وصل الحبل وإنقطاعـه عيبٍ على اللي يتقي عقب ما بـان وعيبٍ طمان النفس عقب إرتفاعـه عبيد العلي الرشيد من حل دار النـاس حلّـوا ديـاره لابـد مـا تسكـن ديـاره ويغبـن ومن شق ستار الناس شقوّا ستـاره ومن ضحك بالثرمان ضحك بلا سن شالح بن هدلان حيٍ يورّيك المذلـة وتغليـه أنا أشهد إنك ميت القلب عامي من لا يوّدك لا توّده وترجيـه أرفع مقامك يا عزيز المقامي محمد الأحمد السديري الضرس يعبى له عن السهر مقلاع حتى تنام العين مـا هـي طلابـه خلف الأذن * أنا أشهد إن بقصرة الرجل نوماس لا صار ما للرجل داعيٍ دعاهـا مبارك بن عبيكة لا تأخذ الدنيا خراصٍ وهقوات يقطعك من نقل الصميل البرادي لك شوفةٍ وحده وللناس شوفات ولا واديٍ سيله يفيض بـوادي بن سبيل أستحي من جيتا تسبق تعال. والكريم بدفق ماء وجهه بخيل عبدالرزاق الهذيل لا يأمن المظهود جمع المعـزة ولا يأمن الجمع العزيز الظهايد أيضا وبيت الفقر لا يأمن الغنى وبيت الغنى لا يأمن الفقر عايد راشد الخلاوي ليا خاب ظنك بالرفيق الوالي ما لك مشاريهٍ على نايد الناس محمد الأحمد السديري يا بايعٍ جوخٍ على غيـر أهاليـه مثل الذي ينزل بقصـرٍ خرابـه ولد الردي لو طاب لك لا تماشيه يومين والثالث يبين الـردى بـه مشعان بن هذال لعل قصرٍ ما يجـي لـه ظلالـي ينهد مـن عالـي مبانيـه للسـاس لا صار ما هو مدهـلٍ للرجالـي وملجأ لمن هو يشكي الضيم والباس محمد الأحمد السديري الأجواد إن قاربتهم مـا تملّهـم والأنذال إن قاربتها عفت ما بها الأجواد وإن قالوا حديثٍ وفوبـه والأنذال منطوق الحكايا كذابهـا الأجواد صندوقين مسك وعنبـر ليا فتحت أبوابها جاك مـا بهـا والأنذال لو غسّلوا ايديهم تنجّست نجاسة قلوبٍ ما يفيد الدواء بهـا محمد المهادي أحدٍ على جـاره بختـري ونـوّار وأحدٍ على جـاره صفـاةٍ محيفـه خطو الولد مثل البليهي ليـا ثـار زودٍ على حمله نقل حمـل أليفـه وخطو الولد يا مال قصّاف الأعمار لا نافـعٍ نفسـه ولا منـه خيفـه مقحم النجدي الصقري شبعنا وشبع الذّر مـن زاد سورنـا وللـذّر فـي زاد الكـرام معـاش يعطي العطى من كان ضاريٍ للعطى ويمنّ العطى من كـان خالـه لاش ومن لا يعرّب منسبه قبـل منشبـه تـروح عليـه عيـلانـه بــلاش ........... عرّب وليدك عرّبـه والنار من مقباسهـا والعز بوروك النساء اللي عريبٍ ساسهـا بنت الردي لا تأخذه لو هو طويلٍ رأسها ............ لا تأخذ الهزلا على شأن مالها ولا تقتبس من نارهم بالوقايـد لا تأخذ ألا بنت قومٍ حميـده لعل ولدٍ منها يجـي بالفوايـد راشد الخلاوي أبا أنذر اللي من ربوعي يبا الطيب لا يأخذ ألا من بيـوت الشجاعـه يجي ولدها مـذربٍ كنّـه الذيـب عزٍ لأبوه وكل مـا قـال طاعـه وبنت الردي يأتي ولدها كما الهيب غبـنٍ لأبـوه وفاشلـه بالجماعـه يا كبر زوله عند بيت المعازيـب متحـريٍ متـى يقـدم متـاعـه شالح بن هدلان الطيب ما هو بس للضاعنينا قسّم على كل الوجيه المفاليح بداح العنقري ما مال ألا فارغٍ من زبرها ولا حي ألا مقتفيه المماتي سعدون العواجي لولا الهرم والفقر والثالث الموت يا الآدمي بالكون يا عظم شأنـك لولا الثلاث وشأن من قدّر الفوت نفذّت كل اللـي يقولـه لسانـك محمد الأحمد السديري أيامنـا والليالـي كـم نعاتبـهـا شبنا وشابت وعفنا بعض الأحوالي بديوي الوقداني نعد الليالي والليالي تعدنا العمر يفنى والليالي بزايد راشد الخلاوي شابت لحانـا مـا لحقنـا هوانـا وعزي لمن شابت لحاهم على ماش مناحي بن معدل السهلي وأخير منها ركعتين بالأسحار لا طاب نوم اللي حياته خساره تركي بن حميد يا دحيم ريضان الجماعة مريفـه واللي مع الأجناب كنّه على نار الطير بالجنحان ما أحلا رفيفـه وليا إنكسر حدا الجناحين ما طار ويمنى بلا يسرى تراها ضعيفـه ورجلٍ بلا ربعٍ على الغبن صبّار عبدالله بن سجوان الرويس والله يا لولا العظم يومنـي أمـلاه أكويه بالجمرة ويكوي جروحـي مع دلةٍ صفرا على النـار مركـاه أقصر بصبتها على كيف روحـي فنجالها يشدي خضـاب الغونـداه الجادل اللي عند أهلهـا طموحـي عدّه لمن يثنـي خـلاف المخـلاه فكاك بالضيقـات راع اللحوحـي وعدّه لقـرمٍ مـا تونـي مطايـاه يضوي ولو صكت عليه النبوحـي وعدّه لمن تدفـق السمـن يمنـاه عيدٍ لربعه بالزمـان الشحوحـي وباقي الرجال فحول نسوان ورعاه ضباط مال وحافظين السروحـي ذعار بن مشاري بن ربيعان لا شفت خطو الظول بالك تعسّه وإن فارقك شر المخاليق خلّـه لو عندنا من غيب الأيام رسّـه الآدمي مصلـوح نفسـه يدلّـه محمد بن مهلهل بن شعلان برقٍ مصدٍ لو مزونـه لهـا نـور لا تستخيله لـو ربيعـك شفاقـه من لا استشارك لا تعدّي له الشور ومن لا يوّدك نور عينـك فراقـه الدقيس الجمّيليّه المجلس اللي بـه إسماعيـل وسعيـد" "ينعاف لو قربه علـى الكبـد غالـي إسماعيل ماسمتـه سمـعت الأجاويـد" "وسعيـد ماداجـوا عليـه الرجالـي عدوان الهربيد ______ ______ من ياخـذ الدنيـا برايـه بلا قيـس مثل الذي في جـوف بحـر يعومـي * - * - * - * ما ينبنـي بنيـان من غيـر تاسيـس ومـن لا تعلـم مـا تفيـد العلومـي ______ وسـدك فلا تعطيـه عـمٍ ولا خـال كـم واحـدٍ بالهـرج يبحـث كنينـه * - * - * - * _____ تلعـب بقلبـي وانــا اطيـعـك وانـت سبـب كـل مـا جـانـي انـا اللـي اشريـك مـا ابيعـك لـو كثـروا فـيـك الاثمـانـي صــارت لغـيـري منافيـعـك عقـب الغـلا كـيـف تنسـانـي لــولا قـبـالـك وتفـريـعـك دخلـت فـي ديــن الاخـوانـي محمـد الأحـمـد السـديـري ______ يـا العيـن هاتـي وانـا ابجيـب مـا يتفـق صـبـر وسكـاتـي علـى وليـف يعـمـل الطـيـب ينثـر علـى الصـدر تـولاتـي وان كـان ورد الحبيـب مغـيـب هاتـي مـن الـدمـع زومـاتـي من تطلع الشمـس ليـن تغيـب وانــا بــروس المنيـفـاتي ما غير اهـوذل سـواة الذيـب مـا امـرح مـن الليل ساعاتـي مـحـمــد الـجـمـيـعـي ____ ياحمـود انـا عارضـي شــاب طـرد الهـوى جـزت انـا منـه يـا كـود وضــاح الانـيـاب هــذاك مـنـي وانــا مـنـه عسلـوجـة حـشـو الاثـيــاب وردوف لـلـثـوب شـالـنــه يـا مـا حـلا جـدع الاسـلاب واركـاي سنـي عـلـى سـنـه والزيـن لـو هـو ورا الـبـاب لازم عـيـونــي يـراعـنــه يـارب اغـفـر لـمـن تــاب العـبـد مطـلـوبـه الـجـنـه _ عـبــيــد الـرشــيــد ______ البـارحـة دق بــي هـوجـاس والقـلـب كـنـه عـلـى مـلـة كنـه يقلـب عـلـى محـمـاس فـوحـه كـمـا فـايـح الـدلـة مـن شوفتـي كامـل الأجـنـاس يلعـب بسيـف الـهـوى سـلـه بطنـه لبيـب كمـا القـرطـاس فتربـريـمـه الـــى حـلــه ونهـودهـا بالحـشـا جــلاس مـثـل الفنـاجـيـل مقـتـلـة ابـو ردوف كـمـا الأطـعـاس غــب الهمـالـيـل مبـتـلـة عبد العزيز بن ناصر بن الشيخ ________ يا اهل الركايب عراوي القلب منتله هجوا هجيج ترى الدرهام يحيينـي يا داخل السوق ما شفت ابن جار الله مديـن ويتـعـرض للمزاييـنـي وانا احسب انه مديـن مخلـص لله واثر المغربل يختل الناس بالدينـي ليته معي شاف راعي القذلة الهلـه مابين سوق الخميس وسوق الاثنيني عبدالـعـزيـز الـعـسـكـر ______ افهـم جوابـي نـويـت اقــول كان انـت عجـل علـى الروحـه سلـم علـى لابــس المفـتـول اللـي سبـى العـقـل بمـزوحـه يـا عيـون حـر رثـع بالجـول علـى ابـرق الريـش ذابـوحـه مـا كـل زول يعـوض بـزول و لا كــل الأزوال ممـلـوحـه زول عجـيـب وزول هـــول وزول يكفـي منـه ضـوحـه لي صاحـب مـن ورا الشمـول بيني وبيـن الغضـي شـوحـه منقول |
رد: قصائد منوعه كتبت من ذهب
[align=justify]
لعل قصرٍ ما يجـي لـه ظلالـي ينهد مـن عالـي مبانيـه للسـاس لا صار ما هو مدهـلٍ للرجالـي وملجأ لمن هو يشكي الضيم والباس الله يعطيك الف عافيه عايض تقبل مروري[/align] |
رد: قصائد منوعه كتبت من ذهب
الاخ حسن شكراً لمرورك
تحياتي |
رد: قصائد منوعه كتبت من ذهب
ليا صار ما توفي عميلك من الصاع ما ينقعد لك عند حصـن النواهيـم شبرٍ من البيداء يعوّضك بالافـزاع وسود الليالي يبعدنّك عـن الضيـم يعطيك العافية على النقل اخي عائض وابيات فعلا من ذهب |
رد: قصائد منوعه كتبت من ذهب
يعطيك العافيه فعلا مقتطفات من ذهب
سلمت يمينك على النقل المميز |
رد: قصائد منوعه كتبت من ذهب
اقتباس:
الاخ عاشق الادب لك جزيل الشكر |
| الساعة الآن 12:56 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL