الشبكة العامة لقبائل الحويطات - المنبر الاعلامي و المرجع الرسمي المعتمد - ‘ فِيْ بِـلآد الـ [ حْلّمـْ , مّمّنٌـوعْ العقَـآلْ ] !

- منتدى المنقولات الأدبية (https://www.alhowaitat.net/forumdisplay.php?f=19)

‘ فِيْ بِـلآد الـ [ حْلّمـْ , مّمّنٌـوعْ العقَـآلْ ] !

جاني واحد قال : بسـأل كـم سـؤال
وقبل يسأل قلت : أنا مانـي خبيـر !
قال: جاوب بس , يـا ولـد الحـلال
وكل كلمه حِطَّهَـا .. بشطـرٍ صغيـر
قال نبدي : شنهو تعريف المُحَـال..؟
قلت : خَل هالكلمه فـ الشطر الأخير ..!
القهر : إن شفـت دمعـات الرجـال
والوطن : ( إنسان ) .. مِتغيِّر كثيـر
والطفل : لعبه علـى شاطـي الرمـال
والأمل : إحساس في عيـن الضريـر
الوفا : [ قلبين ] .. يجمَعهُـم حـلال
والرَجُل : اللـي علـى أهلـه يغيـر
والرجـا : لا قلـت : للواطـي تعـال
والفشل : مـدري .. ولكنـه مريـر
والشعر : في وقتنا .. بـدر وطـلال
زين وأوَّل : حيل يعجبني جريـر ..!
والغلا : إحسـاس إلـى حَـد الخيـال
والعِشِق : لا شفت مَعشُوقِـك تطيـر
والجفا : إعكس مفاهيـم / الوصـال
والوَصِل : يعنـي تأكَّـد فيـك خيـر
والعقـل : تِسْفَـه أقاويـل الجـهـال
والجهل : إن قلت عن نفسـك كبيـر
والخطر : لا صار مـا عنـدك مجـال
والبلا : إن صـرت معـدوم الضميـر
والعجب : لا صرت تسأل منهـو قـال
والتعب : إن كنت تِبْحَثْ عن مصيـر
الغنى : بالنفس مـا هـو راس مـال
والفقر : من كان .. بأعمالـه فقيـر
يكفي يكفي .. أسئلـه إنهـي الجـدال
ويالله علمني عَن .. السِّـر الخطيـر
ما أبي تضرب لي في غيـرك مثـال
قول : عنِّك وإعتبر سِـرِّك فـي بيـر
جات طعنـه مِـن جنوبـك والشمـال
يعني وضعِك بين مِن حُولـك خطيـر
صاحبـي وإن ضاقـت بعينـك ليـال
لك فرشت القلـب مفـروش الحريـر
في [ بلاد الحلـم ].. ممنـوع العقـال
والمصيبه الشعب مـا إختـار الأميـر
وما ألومك .. كـان شدِّيـت الرحـال
دام بيتك جـرح / وفراشـك حصيـر
هـذا تعريفـي إلـى كلمـة : مُحَـال
شيء ودِّك فيه ولا يمكـن يصيـر ..!

رد: ‘ فِيْ بِـلآد الـ [ حْلّمـْ , مّمّنٌـوعْ العقَـآلْ ] !

[align=justify]
الله عليك يا ابو بندر ..
انتقيت فأطربتنا بذائقتك المعهوده ..
أسعدني مروري هنا ..
لا تحرمنا جديدك ...

الذيب
[/align]

رد: ‘ فِيْ بِـلآد الـ [ حْلّمـْ , مّمّنٌـوعْ العقَـآلْ ] !

القهر : إن شفـت دمعـات الرجـال
والوطن : ( إنسان ) .. مِتغيِّر كثيـر

الوفا : [ قلبين ] .. يجمَعهُـم حـلال
والرَجُل : اللـي علـى أهلـه يغيـر

والغلا : إحسـاس إلـى حَـد الخيـال
والعِشِق : لا شفت مَعشُوقِـك تطيـر

صاحبـي وإن ضاقـت بعينـك ليـال
لك فرشت القلـب مفـروش الحريـر..

هـذا تعريفـي إلـى كلمـة : مُحَـال
شيء ودِّك فيه ولا يمكـن يصيـر ..!!!

كل بيت أروع من الآخر ...

صح لسان قايلها .. وتسلم ايدين ناقلها ..

اختيار رائع أستاذنا عاشق الأدب ...

رد: ‘ فِيْ بِـلآد الـ [ حْلّمـْ , مّمّنٌـوعْ العقَـآلْ ] !

ذيب الشوامين / زهرة المدائن
شكرا من القلب على حضوركم الطيب
وقصيدة تستحق الاعجاب