يا حمامة غريبة .. كل صوت تجيبه
 

ياحمـامه غـــريــبـه .. كل صــوت تجـيــــبه
من سمعها تـصيــبه .. حسبــــك الله حمـــامه

ذكـــرتـني وليــــفي .. ميــر مــاني بكيــــفي
ليت حملي خفـيــفي .. ياحيــات النــــــــدامه

عقب فرقي عشيري .. مايلجــــلج نـظيـــري
علتي في ظميـــري .. ويـــن انــا والســلامه

مااقدر اقوي فــراقه .. عقــب ذيــك الصداقه
صار شوفه شفـــاقه .. صاحبي وش علامــه

جــــــأيــز لي دلاله .. عنــــه مــــاني بــداله
ماتـــبــــدل بـــــداله .. لو لحقـــني مـــلامـــه

طبع مظنون عيــني .. بـــس بـيـنـــه وبـيني
لاهــرج كلمتـيــــني .. حـــط معــه ابـتـسامه

راعي الحب مثـــلي .. في هوى الزين مبـلي
عنه ماعاد يســـــلي .. لين يـلحــق مـــرامــه

شوف خـــلي تجاره .. وابــتـعــاده خـســـاره
صــاحبي به اشـاره .. حــول شذرات زمامه

راعي العـــــود خله .. يظهـر الصــــوت كله
ظــامري فيــــه عله .. خـــافيـــه ياســـــلامه

حسبي الله علي اللي .. حــال مـــن دون خلي
يوم فرقاه مســـا لي .. مثــل يــــوم القيـــامه


احمد الناصر الشايع

رد: يا حمامة غريبة .. كل صوت تجيبه
 

صح لسان الناصر
ولاهنت صدى الحروف على الاختيار الجميل