الشبكة العامة لقبائل الحويطات - المنبر الاعلامي و المرجع الرسمي المعتمد

- منتدى المنقولات الأدبية (https://www.alhowaitat.net/forumdisplay.php?f=19)

- - أشتقتلك (https://www.alhowaitat.net/showthread.php?t=55269)

اشتقت لك يا فرحة العمر وين انت = يا للي عيوني منك ينبع ضيــاها

لولاك بالغايه بدنياي .. مـا كنت = اشفق على ايامي يطول مداهــا

سرقتني مـثل الكرى لـي تمــــكنـت = من مـهجةٍ مــا قبلك أحد غشاها

أشوف حسنٍ كل شئ تحـاسنت = لو به ذهاب النفس أشوفه مناهـا

مـا خبر يوم في منامي تـطـامـنت = إلا أن بعثت الطيف لي في دجاها

أهين نفسي لك بمرضـاك لاهنت = واتبع هــواك بعسرها عن هـــواهـا

رجلي تيامن غصب كانك تيامنت = وان خذت باليسرى تياسر اخطاها

كـلٍ بـعينه زيــن ويـــــلا تـبينت = كـلٍ زهـد في خـلقته مـــا بــــــغاها

لوفات لك تسعين بالعمر ما شنت = في عين نفسٍ علقت بك رجاهـا

آمــــنت بك في عـالم الحب آمنت = يــا مـــتلفٍ روح العنا يــا دواها

رد: أشتقتلك

تألق كالعاده
من شاعر شبكتنا
وصياغه حرف جديده
صح لسانك

رد: أشتقتلك

قمة الابداع والتوصيف الشعري

يسلموااااااااااا

رد: أشتقتلك

اقتباس:

المشاركة الأصلية كتبت بواسطة سلطان زمانه (المشاركة 501848)

تألق كالعاده
من شاعر شبكتنا
وصياغه حرف جديده
صح لسانك

ياهلا بالأخ الغالي السلطان . وصح بدنك
وصح لسان قايلها القصيده بالمنقولات الأدبيه
وهي من قصائد الأمير الشاعر عبدالله الفيصل
رحمه الله وقد أعجبتني ونقلتها لكم
شكرا لمرورك العطر وتقبل تحياتي

رد: أشتقتلك

اقتباس:

المشاركة الأصلية كتبت بواسطة مشعل العتيبي (المشاركة 501868)

قمة الابداع والتوصيف الشعري

يسلموااااااااااا

الأخ مشعل العتيبي أولا ياهلابك في شبكة الحويطات
وأكيد هي قمة الأبداع وهي لشاعر كبير مثل الشاعر
الأمير عبدالله الفيصل رحمه الله وأسكنه فسيح جناته
شكرا لمرورك ياغالي وياهلا ويامرحبا بك
تحياتي لك