الشبكة العامة لقبائل الحويطات - المنبر الاعلامي و المرجع الرسمي المعتمد

- منتدى المنقولات الأدبية (https://www.alhowaitat.net/forumdisplay.php?f=19)

- - ابيك الجاي من عمري انا ماابيك شي وراح (https://www.alhowaitat.net/showthread.php?t=55765)

ابيك الجاي من عمري انا ماابيك شي وراح

عسى ماازعلتك البارح وزودت الجراح جراح
عسى مامرت الدمعه على اهدابك من اسبابي

جرحتك من كثر شوقي وخليت الكلام رماح
ولاادري شلون ياعمري طعنتك حيل بعتابي !

بدون شعور صدقني ترى كثر الغلا ذباح
تعال وشوف بغيابك غلاك شلون سوا بي ~{

حرام تغيب من عمري وتعطيني الفراق وشاح
حرام الدمع في عيني مناديله هي اهدابي

غيابك يشغل عيون الزوايا وامتلي اشباح
وانا انثر صوتك بقلب المكان واشعل ابوابي

تلفت للامل دام الرجا في عمري المنواح
اناديلك ولو شرهة وصولك تقطع اعصابي

ابيك الجاي من عمري انا ماابيك شي وراح
مدامك اجمل واخر مدامك اول احبابي

ابي ارتاح ياعمري انا ادري هم تبي ترتاح
تعال وقبل ماافرح ترى تفرح بك ثيابي

احبك يابعد عمر الحزن والجرح والافراح
احبك كثر مانامت عيونك داخل اهدابي

رد: ابيك الجاي من عمري انا ماابيك شي وراح

صح لسان قايلها ويعطيك العافيه على النقل الرائع

رد: ابيك الجاي من عمري انا ماابيك شي وراح

تسلم يا عايض
شكراااااا

رد: ابيك الجاي من عمري انا ماابيك شي وراح

احبك يابعد عمر الحزن والجرح والافراح
احبك كثر مانامت عيونك داخل اهدابي....

نقل رائع وموفّق .... شكراً هدوووووووووووووء ..