الشبكة العامة لقبائل الحويطات - المنبر الاعلامي و المرجع الرسمي المعتمد

انعي للامة العربيه والاسلاميه وفاة خالتكو ام العبد عن عمر فوق السبعين سنه ونص
و المرحومه وقعت عن ظهر الجحشه بنص الطريق ودعسها باص كوستر شوفيره احول
وانا الله وكيلكو من بعدها صرت وحيد وحزين اضرب اخماس في اسداس و حالتي تكسر الخاطر
الله لا يكتب الوحده على حدا منكو
و لما حكى معي بنيي نديم يعزيني بشرني انو في هان بهالمنتدى عجايز بدهن ينسترن
و انا يا ختيارية فرصة كبيره ما بتتفوت لانه انا وسيم وخفيف دم وزلمه حشم وفارس قديم
وعندي جحشه وتركتور وبقرتين و10 نعاج و بصراحه بدي اكمل نص ديني وخايف على ثروتي يلعبو فيها الناس
و الي بدها جوز نقاوه لا تضيع هالفرصه من ايدها لانه الفرصه ما بتجي بالعمر الا مره وحده
و الي ناويه تتجوز زلمه ما في منه تبعت لي مواصفاتها بدي اشوف من الي بتناسبني ومين الي ما بتناسبني
اهم شي تعرف تزرع وتقلع وتحلب العنزات وتركب عالحماره وتسوق التركتور
وانا مستعد اسعدها واقدم لها زهرة شبابي ولو انها ذبلانه لكن احسن من بلاش
منتظر ياعرايس وبدي حدا منكو يا شباب يسوي لي كراسة شروط لعجوز المستقبل
لاني بصراحه بدي مواصفات كويسة و خايف اوقع لي بعجوز تنحسني وتضيع مستقبلي