الشبكة العامة لقبائل الحويطات - المنبر الاعلامي و المرجع الرسمي المعتمد - الله خلق .. والله فـرق فالمخاليـق =وبين الردى والطيب مابـه علاقـه

- منتدى المنقولات الأدبية (https://www.alhowaitat.net/forumdisplay.php?f=19)

الله خلق .. والله فـرق فالمخاليـق =وبين الردى والطيب مابـه علاقـه

البـارحـه حـلّـق بــي الـهـمّ تحـلـيـق ..... ليـن اعلـن الصبـح السعيـد انفلاقـه
اسجّ واغفـا واسـرح شـوّي وآفيـق ..... واروق لومـانـي بـصـوب الـرواقــه
وأن جيت ابكشف ماتكـنّ المعاليـق ..... تحكمـنـي سـلـوم الـعـرب واللـبـاقـه
ومن ضيقتي سقت القدم للشواهيق ...... فـي مـرقـبٍ مانـيـب افـضّـل افـراقـه
ارتاح له لامـن حـدا خاطـري ضيـق ...... لاصار ماعنـدي علـى الصبـر طاقـه
اسيّـر المعنـى .. واجــرّ الطـواريـق ...... واليـا عصـا الطـاروق اشـدّد وثاقـه
واسـجّ فـريـاض النـفـل والزمالـيـق ...... واقطف مـن أزهـار البساتيـن باقـه
وانقا من اصناف الذهب فالصناديق ...... مايبـهـر الـشـاري ويـغـري مـذاقــه
جواهرٍ .. تشفق عليهـا العشاشيـق ...... الـلـي يعَشـقـون الفـرايـد اعـشـاقـه
(الطيـب كـايـد والمـراجـل توافـيـق) ...... يحريبـهـا الـلـي يمّـهـا حــثّ سـاقــه
الـلـي يـفـز الـيــا لـفــوه المطـالـيـق ...... وشـوف الرجـال الطيّبـيـن اشتيـاقـه
درب المراجل عسر وينشّف الريـق ...... علـى الـرديّ اللـي علـومـه ادقـاقـه
اللي ليا طال المـدا قـال مـا اطيـق ...... قــلّــه مـتـبــرك للـثـقـيـلات نــاقــه
ياقـلّ صدقـان الرخـا حــزّة الضـيـق ...... فالماقـف اللـي بــه تبـيـن الصـداقـه
فيه الحـرار الشقـر تصبـح غرانيـق ...... ويـبــيّــن الـهــافــي رداه ونــفــاقــه
وياقف لها اللي يحتمـون المواثيـق ...... وبيـن الـردى والطيـب مابـه علاقـه
الله خـلـق .. والله فــرق فالمخالـيـق ...... وبيـن الـردى والطيـب مابـه علاقـه
ابـديـت ماكـنّـيـت وســـط المعـالـيـق ...... واخفـيـت ماتمـلـي عـلــيّ الـرفـاقـه
وتبقـى صناديـق الضمـايـر مغالـيـق ...... ماتكشـف اسـدود الرجـال الحمـاقـه

منقوووول