ضيقة صدر
 

يقولون العرب صدر الشمالي ما يضيق بـ ساع
وانا اقول الصدور اليوم ما عادت شمالية

بدت في داخلي ضيقة عجزت القى لها مطلاع
تغيب وترجع وترجع تغيب ومالها نية

عمتني كلمةٍ جتني وضقت ؛؛ وضاق صدر القاع
الا يا الله لا تجزى غشيمٍ قالها فيّه

لاهو صفّاع يا ربي ولاهو للعرب نفّاع
بلاني وابتلى حاله وبعض الناس مبلية

نهيته قبل هالمرة يخلي سيرتي ما طاع
الا يا لعن ابو جد القصيد ولعن ابو بيّه

ضعيف النفس نسونجي , يشوف بعينه الاطباع
يحسب اني مثل ربعه يسوق بضاعته ليّه

انا اشري لا بغيت اشري ولاني مساوم البياع
الا من قال لي مية عطيته فوقها ميّة

انا اكتب لجل من يقرى والا ارجي من يقول ابداع
وابد لا تحسب ان مثلك يشكل لي اهمية

ترى يا هيه لا مني نويتك بس اطق اصباع
يجيني ألف شيطان و وراهم ألف جنيّة

أجرّك من طرف حرفك وأرد الصاع مية صاع
جنون القاف أرقصها على راسك هجائية

يا ويلك لو توليتك ,, وربي مالك الشفّاع
يجيك من القصيد احسب ثلاثمية ؛؛ ثلاثمية

ولكن خلك بحالك ما دام ان الصدور وساع
ترى للحين ما ضاقت ولسعها شمالية

رد: ضيقة صدر
 

سامى الحويطى
يسلمووووووووو

رد: ضيقة صدر
 

يـــــــــــــــــــــــــــسلمك ربي مــــــن كــــــــل شر

رد: ضيقة صدر
 

سلمت يمينك سامي
وسع صدرك
وصح لسان قايلها

رد: ضيقة صدر
 

ولكن خلك بحالك ما دام ان الصدور وساع
ترى للحين ما ضاقت ولسعها شمالية ....


صح لسانك .. أخ سامي ..
سطور وكلمات شموخ جميلة ..
والصدور إن شاء الله دوم شماليّة ..

رد: ضيقة صدر
 

يسلموووو وبنيابه صح بدنك

رد: ضيقة صدر
 

صح بدنك الاخت زهرة المدائن يسلمؤؤؤؤ على الطله