الشبكة العامة لقبائل الحويطات - المنبر الاعلامي و المرجع الرسمي المعتمد

اعترافات مشرف إستغلالي

السلام عليكم ورحمة الله وبركاته

اليوم ابغى اصارحكم ... صعب صعب صعب اكتم الحقيقة في قلبي كل هذه الفترة .. بقول الصراحة ولو كرهتوني
ايه .. اعترف إني استغلالي لإقصى درجة .. واعترف إني جيت للمنتدى وناوي استغله واستغلكم .. صحيح إني احب الجميع .. بس هذا ما يمنع إني استغلكم .. وطمعان فيكم فوق أي حد من الوصف ... وكلكم .. وبدون إستثناء .. ما افرق بين اخ او اخت .. عضو جديد ولا عضو قديم .. او حتى المشرفين ...المهم مصلحتي ... مصلحتي فوق الجميع

ابيكم كلكم تكتبوا في المنتدى الإسلامي .. ولو حرف .. هذا الحرف يدخل موازينكم بإذن الله .. ثم لي مثله إذا كنت انا سبب من الأسباب برد ولا بموضوع مثل هذا الموضوع .. شفتم كيف استغلكم .. والله ما يهمني فين تكونوا ... ولا ايش جنسيتكم .. ولا ايش افكاركم .. ولكني احرص لكم على الخير .. وأكيد احرص لنفسي
يجي واحد يقول .. وانا ايش يخليني اكتب علشان المرواني .. ويش يطلع ... رجنا وصجنا هالمطوع
والله المرواني ما هو داخل جيبه شي .. وبالعكس لما تقل المواضيع ... رايح اكون مريح راسي من المتابعة والردود والجري وراء كل حديث اشوف من وين جايبينه ومن وين اسناده لما تطلع عيوني ..هذه يا اخي لك إن شاء الله في موازينك ... ويا اخي انت ويش خسران لو ربنا عز وجل كتب لي مثلك

ما اقول لك .. اكتب لنا في الفقه ولا المواريث ولا التفسير .. اكتب أي شي
تخيلوا لو تكتبوا في المنتدى... لا إله إلا الله القى بها ربي .. امانه عليكم اليست اثقل في الموازين من السموات والأرض .. تبخل على نفسك بكلمة .. ممكن تدخلك الجنة .. تبي خير زياده .. ابشر ... الحين انت كتبتها .. وجاء واحد قرأها ... وواحد جاء ورد .. شوف كم مرة تضاعفت لا إله إلا الله

كيف عاد الي يكتب موضوع .. ولا رد .. ليه تبخلوا على نفسكم ... يا اخي اكتب وانسى .. والله احصى لك كل حرف .. إذا مالقيت خيره في الدنيا رايح تلقاه في الآخرة ... وترى خير هالكلمة في الدنيا وفي الآخرة .. يا اخي .. اكتب لو حرف يشهد لك تقابل بيه الله عز وجل

البعض ما ادري هل هو صائم قائم .. بنى مسجد ولا حفظ كتاب الله .. مستغني إنه يكتب في المنتدى الإسلامي او يمر.. واثق من عمله .. واثق من ثقل موازينه ..أكيد احسن مننا كلنا بكثير .. مطمئن ... وحنا يالمساكين ميتين خوف من يوم القيامه ومن عذاب القبر

البعض .. لاهي ومطنش .. هذا مسكين بالحيل .. بكره بإذن الله ربنا يهديه .. وراح يحاول يلحق .. بس ليه ما يبدأ يلحق من الحين .. خذ خطوه .. ما تدري عسى اللي بعدها لك خير... خذ خطوه كلنا بدينا بخطوه .. خذ خطوة والله ما تكلفك دقيقتين

على مين تبخل .. على نفسك .. ولا على الله ... والله إن اللي خلقك في غنى عني وعنك وعن الخلق
ابخل اليوم لو تحب.. والله ابوك وأمك لو انك تنام في حضنهم كل يوم ... بكره لو تطلبهم بس حسنه وحده رايحين يبخلون عليك
اكتب .. بدل انت كل يوم تقول انا احسن من غيري .. اكتب .. وخليك صحيح أحسن من غيرك

اكتب .. وخلي نيتك لله .. اكتب ... وقول ربنا تقبل منا .. والله غيرك محتاج لحرفك مثل ما انت محتاجه
يا طالب الجنه .. اكتب
يا طالب ستر الله ... اكتب
يا طالب رزق الله ... اكتب
يا من تصدق بالموازين .. اكتب ... والله كل حروفك في الموازين

اللهم هل بلغت ... اللهم فاشهد