الشبكة العامة لقبائل الحويطات - المنبر الاعلامي و المرجع الرسمي المعتمد - يادمـعـة الـحــزن جـــودي فـيـضـي عـيـنـي

بسم الله الرحمن الرحيم
والصلاة والسلام على أشرف الأنبياء والمرسلين وبعد
مرثية لشقيقتي أم احمد بولدها الشاب المرحوم باذن الله رائد
الذي فقدتة في يوم الاثنين12/ 8/ 1433 بعد ان زفتة مع اخيه في يوم الاثنين 5/ 8/ 1433 هـ
بسبب حادث اليم اسفر عن وفاتة رحمة الله و اسكنه فسيح جناته وتغمده بواسع رضوانه
وألهمنا جميعا على فقده الصبر والسلوان

/اللهم امييين/

[poem=font=",7,indigo,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""] يادمعة الحزن جودي فيضي عيني =واكوي بنارك عنا قلبي وداويني
انتي الونيسه لقلب محتضن همه=لاجاد مزنك نزف جرحي فغيثيني
تستعطفك عبرتن تبرق وماسالت=في محجر العين مخنوقه وتئذيني
فكي الرسن للجروح وسيلي جفني=وهدي لسور اعتلى عيني ومعميني
انزف وجرحي نما في داخلي واثمر=مواجعن تكتسح قلبي وتكسيني
وستوطنتني الهموم وجمرت صدري=ويبست ينابيع قلبي ومحلت عيني
ثكلى وقلبي يحن وينشدن عنه=عيني وراسي وسمعي وكف يديني
مستوعبنه يغيب ويبتعد عني=مستنظراته يجي يروي بساتيني
ماغاب لحظة وعيني ماسلت عنه=بين اخوته حايره تسأل وتشقيني
ركايب الشوق لاجا الليل يااماني=توقد لي النار والذكرى تقهويني
تفتح لي ابواب ماضي ماتناسيتة =محسوب من رحلتي ضمن اجمل اسنيني
وانظر سنا مبسمة واتخيله يمي =وبلا شعور انتهض وينه يناديني
هنا هنا ملعبه وهناك يوم انه= يروي ضماه وضما صدري ويدفيني
وهناك مرقدة واغراضه ودولابه=والبندق اللي تحن بصوت يكويني
وهنا صدى ضحكتة وهناك ياخيه=ردد على مسمعي متى تزفيني
ويلاه ويلاه وويلاه ياخيه=بسبوع جوني مهنين ومعزيني
يالله يالله ياعالم بما فيني=ارحم فقيدن رحل عني وقويني
وسع بقبرن يضمه بعد حضن امه=بضيافتك ياكريم انت العوض فيني
واجبر مصابي عليه بفرحة اخيه=واشوف رايد بحجر احمد يحاكيني[/poem]