هام جدااااا ... نخيتكم يالربع
 

السلام عليكم ,
يعطيكوا العافية يا جماعة الخير

انا يا أهل الخير من دار عياش طولكرم وكنت اسمع انو جدي وولاد عمو بيقولوا انو احنا من الحويطات وكانت لهم علاقة بشيوخ الاردن الجازي بس انا كنت صغير ايامها .... ومن فترة محترمة تقريبا من 6 سنين .. صرت حابب اعرف احنا كيف من الحويطات ... وصرت ادور على النت وعلى الفاضي .. ما في شي بيحكي انو عياش من الحويطات ... وطبعا جدي و ولاد عمو وكبار العائلة من اصحاب الدراية توفوا و ما في حد يفيدني بالموضوع ... بيوم من الايام سمعت الوالد بيحكيلي انه شقيقته عندها ورقة لعائلة وليش ما تسألها؟؟ ... المهم بادرت و بعتلها رسالة وسألتها .. قالتلي انو يحوزتها ورقة وبعتتلي اياها ... الورقة عبارة انو بتحكي عن حماد وحامد انهم من الحويطات وانوا حماد سلواد تفرعوا لحماد سفارين وحماد سفارين تفرعوا لحماد طولكرم ... فأنا قلتلها شو علاقة هاي الورقة بدار عياش ... قالتلي انو جدي كان يقلها انوا دار عياش طولكرم همه بيردوا لحمولة آل حماد وانوا احنا اصلا من حماد سفارين ... وقاعد بحاول ادور عا شو الي بيربط بين حماد وعياش بس للأسف ما عثرت على شي بالنت .. واسمعت قبل فترة انو النا شجرة عيلة الي بتربط بين عياش وحماد بطولكرم واتصلت وسألت عليها بس للاسف الجماعه مضيعينها وحتى اغلبهم ما بيعرفوا اشي عنها ...

• من الي قريتوا وعرفتوا عن حمولة حماد انه ببتكون من ثلث افخاد الي همه ( عيسى وموسى وثلث علما انو الثلث يتكون من 3 افخاد ( مصلح ودخل الله وياسين) ) وطبعا كل وحدة من هل افخاذ بتتكون من عوائل ... انا الي بدي اعرفوا انو شو علاقة دار عياش بآل حماد الي بسفارين وطولكرم ... ولو احنا منهم حابب اعرف لأي فخد بنرد ؟؟؟
  بتمنى ألقى طلبي وجوابي عندكوا وبكون الكوا من الشاكرين

رد: هام جدااااا ... نخيتكم يالربع
 

وعليكم السلام ورحمة الله وبركاته ..

حيآك الله اخوي ..

ان شآء الله يجي من يعرف شي عن موضوعك .. و يعطيك العلم الاكيد ..

رد: هام جدااااا ... نخيتكم يالربع
 

رد: هام جدااااا ... نخيتكم يالربع
 

والله ياخوي المتأصلين بهل مواضيع للأسف وافتهم المنية رحمهم الله ورحم الله جميع اموات المسلمين ...والمشكلة انو بمن كانت علاقتهم من الجازي صدقا لا أعرف... وانت كلامك صحيح و اوفقك الرأي مئة بالمئة ... لكن مش عارف كيف ابدأ و الصراحة عندي هاجس انو اتقابل بالرفض ... شكرا للنصيحة اخوي

رد: هام جدااااا ... نخيتكم يالربع
 

حياك الله أخي أحمد

بالعكس على الرحب والسعة ولماذا هذا الهاجس أخي

كلنا أخوة وفينا وفيك الخير والبركة

سأحاول السؤال لك من الوالدة

وان حصلت على معلومات لو بسيطة لن أبخل بارسالها لك


بالتوفيق يارب وحياك الله

رد: هام جدااااا ... نخيتكم يالربع
 

تسلم اخوي وانا ما جيت على هل موقع و طرحت سؤالي الا وانا عارف انو القائمين عليه واعضاءه شيوخ بلا استثناء .. والي بعرفوا عنكوا انوا قادرين على الوصول لمشايخ الحويطات سواء في الاردن او فلسطين .. والمسألة عندي جدا معقدة لاننا عائلة صغيره وغير هيك حسب ما فهمت انو احنا عائلة من احد فخوذ عشيرة آل حماد في سفارين و طولكرم ... وانشالله خير كما اتمنى انه اوصل لنتيجة مجدية بتعاونكم معاي بإذن الله

رد: هام جدااااا ... نخيتكم يالربع
 

عشائر حماد وحامد في بلدة سلواد ينتمون للحويطات واصولهم تعود الى جنوب الاردن وحماد سلواد تفرعوا الى حماد سفارين و حماد سفارين تفرعوا الى حماد طولكرم وكما كنا نسمع من كبار السن انوا نحن بنرد لحماد وتسلسل حماد كما ورد بمشجر عشيرة الجازي شيوخ حويطات الأردن هو : حماد نصار احمد صباح مطالق سلامة اقبال علوان الحويطات , وكما هو واضح هنا بأن حماد وحامد من حويطات العلاوين ... و سؤالي الذي اتوجه به لحضرتكم ... انه اذا كان حد بيقدر يعرفلي الى اي فخد من فخود آل حماد ترد عائلة عياش طولكرم
ولكم جزيل الشكر ابناء عمومتي

رد: هام جدااااا ... نخيتكم يالربع
 

وهذا يا سادة يا افاضل الي قرت اتحصل عليه من شقيقة الوالد

رد: هام جدااااا ... نخيتكم يالربع
 

رد: هام جدااااا ... نخيتكم يالربع
 

اختي الكريمة معلوماتك بوفقك الرأي على انوا في حماد يردوا للصخور لكن حماد الي انا اتحدث عنهم بيختلفوا ... لانو معترف بهم من قبل الموقع هنا ( ال حماد سلواد - ال حماد سفارين _ ال حماد طولكرم) وايضا معترف بهم من قبل شيوخ الجازي و قبل فترة الاخ حازم الجازي نزل مشجر لابناء علوان وكان مكتوب فيها حماد وبأمكانك الاطلاع عليها
تقبلي فائق احترامي

رد: هام جدااااا ... نخيتكم يالربع
 

اخي الغالي احمد ... نحن من ال صدوق وتعرف احنا حمولتنا من سفارين ومن الحويطات حرسها الله

ويوجد في طولكرم وفي فلسطين شيخ الحويطات تستطيع سؤاله عن نسب عائلتكم الكريمة وخاصة سيكون لديه تسلسل العائلات وانسابها الخاصة بقبيلة الحويطات وتفرعها

إن احتجت لاي شيء انا حاضر لك .. اخي ممكن تقابلني ونتحدث سويا وخاصة في الانساب وبعض التاريخ الخاصة بقبيلتنا

انا موجود الان في وقت الرد .. في موون لايت كافي او مركز ضوء القمر اللي تحت الاتصالات الفلسطينية بطولكرم

رد: هام جدااااا ... نخيتكم يالربع
 

رد: هام جدااااا ... نخيتكم يالربع
 

أخوي ابو يزن تسلم عا مرورك الطيب و أشهد انك شيخ ولد شيوخ و اتشرف بمعرفتك .... تحياتي الك

رد: هام جدااااا ... نخيتكم يالربع
 

تسلم اخوي عبد الرؤوف هذا من طيب اصلك يا غالي بس بواقع الامر انا لست بطولكرم و لم يسبق لي اني زرتها لكن اذا عندك اي طريقة للاتصال بك فبكون ممنونك ... تحياتي الك