الشبكة العامة لقبائل الحويطات - المنبر الاعلامي و المرجع الرسمي المعتمد

- منتدى المنقولات الأدبية (https://www.alhowaitat.net/forumdisplay.php?f=19)

- - طبعي مـ أتبـع المقفى .. (https://www.alhowaitat.net/showthread.php?t=57899)

طبعي مـ أتبـع المقفى ..

هيه يا للي تحسب إني عقب فرقاك مغبـون
والله أني ما شكيت من الغبـن مثقـال ذره
كان ظنـك تحسبنـي هايـمٍ فيـك بجنـون
ليتك تريـح فـؤادك لاتعرضـه المضـره
لا يغرك ضحكتي لـك والبشاشـة والليـون
واجب الضيف الضيافة والتبسـم والمسـره
منت ذاك اللي فراقـه يثـر بقلبـي طعـون
ولا تحسب أني عقب فرقاك في ضيقٍ وحره
والله انك شخص عادي لا قبيـح ولا فتـون
ويله من الله هذاك اللي وصفـك وقـال دره
لاعيـونٍ تلفـت أنظارالمولـع بالعـيـون
ولا ثليلٍ لا جمعتـه كايـد النسنـاس ثـره
ولا قوام يطرب اللي مهنتـه بـدع اللحـون
ولا شفـاهٍ للهليـك إليـا ورد يلقاالمـبـره
فوق هذا تزعل وتقفي علـى بالـك تمـون
وتنتظرني اعتذر وازيد في عـذري واكـره
كان في فكرك قضبت التايهه هذي ضنـون
والله انك بالثـرا والتايهـه فـوق المجـره
طبعي أني مااتبع المقفي ولوهو مـن يكـون
أترك المقفي على ملواه في خيـره وشـره
إن رضا يرضى لحاله وان زعل جعله يهون
والله انه ما يعـرّق صابـري ببـلا مغـره
وأنت ياللي تحسبني عقب فرقـاك مغبـون
إجزم أني ماشكيت من الغبـن مثقـال ذره