الشبكة العامة لقبائل الحويطات - المنبر الاعلامي و المرجع الرسمي المعتمد

قالوا نسا غاليه ماجاب طرياه
وأول إلى منه جلس قام يطريه

قلت أذكره يا ناس .. إشلون أبنساه
بس إني أسكت والذي صار مخفيه

معكم جسد بس العقل راح وياه
أسكت أهوجس به وأهوجس بماضيه

ما قل حبه .. زاد من بعد فرقاه
يسكن بوسط القلب لو كان مشقيه

أهواه أنا وأهواه وأهواه وأهواه
وأكثر بعد من حبه لنفسه أغليه

لولا غلاه إن كان ما قلت أنا .. آه
عذبني الغالي عسى الله يهنيه

راح وتركني ما بقى غير ذكراه
مدري وش أخباره ولا وين أراضيه

مشتاق له يا كثر شوقي للقياه
والشوق يحرق قلبي اللي سكن فيه

ابيه لو بعد القمر بس أنا القاه
والله لو دربه من الشوك لمشيه

http://imagecache.te3p.com/imgcache/...443b1d5541.gif

اتمنى تعجبكم الابياات وصح لساان شاعرها / عبدالله الضويحي