بسم الله الرحمن الرحيم

القصيده الثانيه والتي شاركت بها في المرحله النهائيه من مسابقة شاعر تبوك والتي أقامتها قناة صوت الباديه

القصيده تقول

ياتبوك الجميله زادك الله جمال=ياعروس ٍ زهاها كل ماهو جميل
انتي اليوم قبله ياعروس الشمال=مانتي قبلة مصلي للعزيز الجليل
انتي اليوم قبلة من يشد الرحال=نيته بالسياحه يوم شد الرحيل
لامس الحسن عودك يالجميله ومال=في شمال الجزيره كل مابه يميل
الحلا في تبوك الورد ماله مثال=ماذكر له على شبه الجزيره مثيل
في بياض الثلوج الي بسود الجبال=مثل عين الهنوف الي طرفها كحيل
وجوّها في جبال اللوز مثل الخيال=مع هبوب الهبايب والنسيم العليل
لا ارعدت وابرقت من مدلهم الخيال=واصبح الخير كله بالسحاب الثقيل
ارتوى كل وادي من مطرها وسال=ويظهر الخير فيها لو مطرها قليل
وان بغيت البحر في حقل ولا قيال=يقصر الوقت بعيونك لو انه طويل
عانق ازرق شواطيها بياض الرمال=واكتمل لونها الفاتن بخضر النخيل
باقي ٍ لونها في روعته لايزال=من رآها بعينه مايدور بديل
وان بغيت الطبيعه والمناظر؟ تعال=دونك الديسه الخضرا وظل ٍ ظليل
مكتسيها الحلا والزين من كل جال=مع مرور السنه خضرا وماها يسيل
سعد من هو تمشّى يوم يلقى مجال=بارضها الي كساها من زمان النجيل
شاعرك ياتبوك الورد غنى وقال=بعض ماشافت عيونه وعنده دليل
واقبلي عذر حرفه منك في كل حال=انتي اكرم مدينه مير حرفه بخيل

قصيده للامانه من اجمل القصائد التي قيلت بتبوك ابدعت فيها ياقهد لكن يبقى عامل التصويت في تلك المسابقات هو المتفرد بالصداره...مشاركه تشكر عليها وترفع الراس وين ماحليت ابو سالم الله يعطيك العافيه