جحدت حبه ...
 

يالله مــن مــدات جــودك يـبـا الـجــود
يـاعــالــم بـمـغـيـبــات الـلـيــالــي
تفــــرج لقلـب عـــــن مناويـه مــردود.
عليـــــه مـن غـــــارات بقعــــا ميالـي
على عشــــير بـدل الولــــف بصـــدود.
والولــــف حنــــت لـه قلـوب الجمالـي ..
انا له اشفـــــق مـن خلـوج لمفـــــرود.
وهــــو وسيـــــع خاطــــره ما يبــالـي
جحـــدت حبه يـوم انـا اقــــواه بركـود.
امســي بذكره واصبــح الصبـح خالـي
كني صحيــح وخاطـــري منـه ملهــود.
والناس ما يــدرون انا ابخص بحـالـي
عليـه اجــــدد سنـة العهــــــد بعـقـــود.
لين اشتهــــر بيـن الخـــلايـق هبــالـي
بينـــي وبينـه حبــــل الادراك ممـــدود.
والهـــــرج بابـه مــــدفـع مـــا يكـالـي
بغيـت منــــه بغفلــــة النـــاس عنقـود.
يبــرد لهـــيب القلـب عقــــب الهمالـي
اشفـــق عليه وكـل ما جيــــت مـردود.
دربه وحـــــل ما هــوب دربـه عدالـي
يسعــى بفــــرقى صاحبـي كـل مقـرود.
اما حكــــى له فـــــي والا حكـى لــي
ان مت وما حصلت لي منـه مقصـود.
تـراه عنـــــده خبـر باللــــي جـرالي
وصــلاة ربـي عـــد ما شــدوا القــود.
او مــا همل وامطـر حقــوق الخيالـي



راقت لي ... 🌹

رد: جحدت حبه ...